Belgiia kezeń-kezeńmen eldegi sanitarlyq shekteýlerden bas tartýda. Bul týraly premer-ministr Aleksandr de Kroo 7 saǵatqa sozylǵan pandemiiamen kúres boiynsha komitettiń otyrysynda málimdedi.
Eń aldymen, el biligi EO aýmaǵynan tys jerlerge saiahattaý úshin shekarany ashýǵa ýáde berdi, dep habarlaidy "Ult aqparat" Euronews -ke silteme jasap.
«Jeksenbiniń keshinen bastap mańyzdy emes saparlarǵa ruqsat etiledi. Onyń ornyna koronavirýsqa qarsy testileýdiń bolýy jáne kelisilgen negizderde karantin talaptaryn saqtaý boiynsha qatal baqylaý ornatylady», - dedi Belgiia premer-ministri Aleksandr de Kroo.
Sáýirdiń sońynan bastap Belgiia úkimeti shashtaraz, sulýlyq salondary jáne dúkenderdiń jumysyna qoiylǵan shekteýlerdi almaq, al 8 mamyrdan bastap dámhana men meiramhanalar ashylady.
Sanitarlyq sharalardy sheshýdiń jańa kezeńi týraly Shveitsariia biligi de málimdeme jasady. Kelesi aptadan bastap konfederatsiiada jariia is-sharalar ótkizip, stadion, kino kórsetetin zal jáne teatrlarda kórermen jinaýǵa ruqsat etiledi. Sonymen qatar meiramhanalar kóshedegi terrasalaryn asha alady.
Shveitsariia úkimetiniń habarlaýy boiynsha, eldegi epidemologiialyq ahýal qiyn. Sol sebepti karantin sharalary týraly másele COVID-19-dy emdeýmen ainalysyp jatqan aýrýhanalardyń júktemesine qarai qaita qaralýy múmkin.
