Aýstraliianyń Darvin qalasyndaǵy Palms qonaqúiinde belgisiz bireý birneshe adamdy atyp ketti, dep habarlaidy NT News gazeti.
Basylymynyń jazýynsha, qala politsiiasy arnaiy operatsiia kezinde qaskóidi qolǵa túsirgen.
Derekterge qaraǵanda, 45 jastaǵy er adam qonaqúige pompalyq qarýmen kirip kelip, adamdarǵa qarai oq jaýdyrǵan. Atys saldarynan tórt adam qaza taýyp, ekeýi jaralandy. Kúdikti shabýyldan keiin izin sýytyp, qalanyń shetine baryp jasyrynǵan. Munymen qoimai, onda da sol mańnan ótip bara jatqandardy oq atqan.
Qazir jaralanǵan ekeý aýrýhanada jatyr. Politsiia tergep-tekserýdi bastap ketti.
