Foto: QR MAM
Qazaqstannyń eńbek sińirgen qairatkeri, tanymal kinorejisser, stsenarist jáne prodiýser Slambek Tileýqabyluly Táýekel ómirden ótti. Bul týraly QR Mádeniet jáne aqparat ministrligi habarlap, marqumnyń otbasy men týystaryna, áriptesterine qaiǵyra kóńil aitty.
Slambek Táýekel qazaq kino óneriniń damýyna airyqsha úles qosqan kórnekti tulǵa retinde tarihta qaldy. Ol tarihi-kórkem filmder túsirip, ulttyq rýhaniiat pen mádenietke qyzmet etken kásibi rejisser boldy. Sonymen qatar, Qazaq ulttyq óner ýniversitetinde uzaq jyldar ustazdyq etip, talai jas mamannyń qalyptasýyna yqpal etti.
«Qurmet» jáne «Qurmet belgisi» ordenderiniń iegeri Slambek Tileýqabylulynyń el mádenietine qosqan eńbegi umytylmaidy. Óner men rýhaniiat jolyndaǵy ǵibratty ǵumyry halyq jadynda máńgi saqtalmaq.
Marqumnyń jatqan jeri jaily, imany salamat bolsyn.
