فوتو: قر مام
قازاقستاننىڭ ەڭبەك سٸڭٸرگەن قايراتكەرٸ, تانىمال كينورەجيسسەر, ستسەناريست جەنە پروديۋسەر سلامبەك تٸلەۋقابىلۇلى تەۋەكەل ٶمٸردەن ٶتتٸ. بۇل تۋرالى قر مەدەنيەت جەنە اقپارات مينيسترلٸگٸ حابارلاپ, مارقۇمنىڭ وتباسى مەن تۋىستارىنا, ەرٸپتەستەرٸنە قايعىرا كٶڭٸل ايتتى.
سلامبەك تەۋەكەل قازاق كينو ٶنەرٸنٸڭ دامۋىنا ايرىقشا ٷلەس قوسقان كٶرنەكتٸ تۇلعا رەتٸندە تاريحتا قالدى. ول تاريحي-كٶركەم فيلمدەر تٷسٸرٸپ, ۇلتتىق رۋحانييات پەن مەدەنيەتكە قىزمەت ەتكەن كەسٸبي رەجيسسەر بولدى. سونىمەن قاتار, قازاق ۇلتتىق ٶنەر ۋنيۆەرسيتەتٸندە ۇزاق جىلدار ۇستازدىق ەتٸپ, تالاي جاس ماماننىڭ قالىپتاسۋىنا ىقپال ەتتٸ.
«قۇرمەت» جەنە «قۇرمەت بەلگٸسٸ» وردەندەرٸنٸڭ يەگەرٸ سلامبەك تٸلەۋقابىلۇلىنىڭ ەل مەدەنيەتٸنە قوسقان ەڭبەگٸ ۇمىتىلمايدى. ٶنەر مەن رۋحانييات جولىنداعى عيبراتتى عۇمىرى حالىق جادىندا مەڭگٸ ساقتالماق.
مارقۇمنىڭ جاتقان جەرٸ جايلى, يمانى سالامات بولسىن.
