Belgili islamtanýshy, ǵalym Qairat Joldybaiuly eldegi "oramal daýyna" qatysty pikir bildirdi, dep jazady "Ult aqparat" avtordyń feisbýktaǵy jazbasyna silteme jasap.
"Oramal taǵý dini paryz. Buǵan teologiialyq turǵydan eshkimniń talasy joq. Kimderge? Baliǵat jasyna (14 jas) jetken qyzdarǵa. Endeshe, áli baliǵat jasyna jetpegen kishkentai búldirshinderge oramal taqtyryp qoǵamdy dúrliktirý durys emes. Al baliǵat jasyndaǵy dini mindetti atqarǵysy keletin qyzdarymyzdy ne isteimiz? Olardyń dini nanymyn qaitemiz? Májbúrlep sheshtiremiz be? Álde joǵarǵy synyp oqýshylaryna ruqsat berip, jastaryna sai jarasymdy etip, arnaiy kiim úlgisin bekitemiz be?
Qai joldy tańdaimyz? Joǵarǵy oqý ornynda oqityndarǵa ruqsat berip, mekteptegi joǵarǵy synyptaǵylarǵa tyiym salýymyzǵa quqyqtyq qandai negiz bar? Biryńǵai forma negiz bola alady ma? Ata zańdaǵy nanym senim bostandyǵyn qaida tyǵamyz? Oramal taǵa almaǵany úshin shetelge oqytýǵa qyzdaryn jiberip jatqandar bar. Osynda qalyp bilikke renjip júrgender qanshama? Munyń durys sheshimi qaisy? Aýǵanstanǵa uqsamaýdyń joly baliǵat jasyndaǵy qyzdarymyzdyń oramal taǵyp- taqpaýynda bolmasa kerek. Másele sanada! Durys dini bilimde.
Oramal máselesi áli talai aldymyzdan shyǵyp, áli talai basymyzdy aýyrtatyny sózsiz", - deidi ol óz jazbasynda.
