© Sputnik/Aleksandr Miroglov
Qazaqstandyq metsenat "QazAzot" AQ basshysy Baharidin Ábilázimov búlik kezinde zardap shekken kásipkerlerdi qoldap, qorǵa 500 mln teńge aýdardy, dep habarlady Sputnik Qazaqstan "Atameken" kásipkerler palatasyna silteme jasap.
"Almatyda búlingen, órtengen nysandardyń kóbi shaǵyn kásipkerlerge tiesili. Qansha dúnie qirady, búkil Qazaqstanda qirap jatyr. Olarǵa qoldaý kórsetetin qor ashyldy dep estip, ózimniń, ujymymnyń atynan 500 mln teńge qarjylai kómegimdi bildirgim kelip otyr. Kúsh biriktirip, elimizdi birge qalypqa keltireiik. Aýqatty azamattar "Atamekenniń" bastamasyn qoldaidy dep senemin. Qazaq halqyn álemge jaqsy jaǵynan kórsetýge shaqyramyn", – dedi ol.
Qarjy kásipkerlik sýbektilerin qalpyna keltirý úshin qurylǵan "Kúshimiz birlikte" qoryna aýdarylady. Bul – qorǵa túsetin alǵashqy qomaqty qarjy.
Aita keteiik, buǵan deiin Almaty kásipkerler palatasy óńirlik keńesiniń tóraǵasy Maksim Baryshev "Kúshimiz birlikte" qoryn quratynyn málimdegen bolatyn.
Qorǵa túsken qarajat Almaty qalasy jáne basqa da aimaqta zardap shekken kásipkerlerge arnaiy komissiianyń sheshiminen keiin bólinedi.
Qarjylai qoldaý kórsetemin degen azamattar Ulttyq palatanyń sall-ortalyǵyna jáne Almaty qalasynyń óńirlik keńesine habarlasa alady:
+7778 4101758; +7775 1261839.
