Mańǵystaýdaǵy jaǵalaýdan 35 itbalyqtyń óleksesi tabyldy Mańǵystaýdaǵy jaǵalaýdan 35 itbalyqtyń óleksesi tabyldy Geely Galaxy EX5 EM-i Qazaqstandaǵy gibridter arasynda ekinshi ai qatarynan kósh bastap tur Geely Galaxy EX5 EM-i Qazaqstandaǵy gibridter arasynda ekinshi ai qatarynan kósh bastap tur
Ádebiet

Belgili ádebiettanýshy Temirhan Tebegenov dúnieden ozdy

Ult portaly
Belgili ádebiettanýshy Temirhan Tebegenov dúnieden ozdy


Búgin, 12 sáýirde 73 jasqa qaraǵan shaǵynda belgili ádebiettanýshy ǵalym, filologiia ǵylymdarynyń doktory, Akademik Serik Qirabaev atyndaǵy qazaq tili men ádebieti kafedrasynyń professory Temirhan Saqauly Tebegenov dúnieden ozdy. Qaiǵyly habardy Filologiia institýty estirtti, - dep habarlaidy Tengrinews.kz.

Temirhan Tebegenov 1949 jyly 18 qarashada Qyzylorda oblysy Qarmaqshy aýdany, Aqjar aýylynda dúniege kelgen. 1972 jyly Qorqyt ata atyndaǵy Qyzylorda memlekettik ýniversitetiniń filologiia fakýltetin bitirgen. 1972 jyly Qarmaqshy aýdanyndaǵy Qýańdariia atyndaǵy №186 orta mektepte alǵashqy eńbek jolyn ustazdyqtan bastaǵan ol 1974-1981 jyldary oblys ortalyǵyndaǵy №10 Ybyrai Altynsarin orta mektebinde direktordyń tárbie isi jónindegi orynbasary bolyp qyzmet atqardy. Orta mekteptegi qyzmettik ósý joly 1981-1991 jyldary Qyzylorda pedagogikalyq institýtynda jalǵasty. Atalǵan institýttyń qazaq tili men ádebieti kafedrasynda aǵa oqytýshy, qazaq ádebieti men arab tili kafedrasynyń meńgerýshisi siiaqty qyzmet baspaldaqtarynan ótti. 1992 jyly Halyqaralyq qazaq tili qoǵamy respýblikalyq basqarmasynyń múshesi, Qyzylorda oblysy uiymy basqarmasynyń tóraǵasy qyzmetin de abyroimen atqardy.

Temirhan Saqauly elimiz Táýelsizdigin alǵan 1991 jyldan beri qazaq biliminiń qara shańyraǵy – Abai atyndaǵy Qazaq ulttyq pedagogikalyq ýniversitetinde qazaq ádebieti kafedrasynda oqytýshy, kafedra meńgerýshisi, Uly dala tulǵalary ortalyǵynyń ǵylymi qyzmetkeri, Akademik Serik Qirabaev atyndaǵy qazaq tili men ádebieti kafedrasynyń professory siiaqty qyzmetterdi atqardy. Ál-Farabi atyndaǵy QazMÝ-dyń aspirantýrasynda oqyp, kandidattyq dissertatsiia qorǵaǵan ol Abai atyndaǵy QazUPÝ-da 2002 jyly doktorlyq dissertatsiiasyn qorǵady.

"Temirhan Saqauly ózi jumys istegen barlyq qurylymda óziniń asa zor jaýapkershiligimen, talapshyldyǵymen, iskerligimen jáne eńbekqorlyǵymen, adamgershilik qasietterimen erekshelendi. Pedagogikalyq qyzmetti ǵylymmen tyǵyz ushtastyrǵan ol 600-den astam ǵylymi eńbek, onyń ishinde Aýyzsha avtorlyq poeziia, Ádebi shyǵarmashylyq óner psihologiiasy, Álem ádebietteriniń poetikalyq úndestikteri men ulttyq erekshelikteri, Táýelsizdik dáýiri ádebieti, Shetelderdegi qazaq ádebieti muralaryn jinaý jáne zertteý siiaqty mazmundy eńbekteri bar. 6 monografiia, joǵary oqý oryndaryna arnalǵan 10 oqý quraly men oqýlyqtary jaryq kórgen. Sheteldik impakt-faktory bar jýrnaldarda da ǵylymi maqalalary jariialanǵan", - deidi Filologiia institýtynyń ókilderi.

Búkil sanaly ǵumyryn urpaq tárbiesi men elimizdiń bilim salasyn damytýǵa arnaǵan Temirhan Tebegenovtiń qajyrly eńbegi joǵary baǵalanyp, Qyzylorda oblysy "Qarmaqshy aýdanynyń Qurmetti azamaty", QR BjǴM sheshimimen "Ybyrai Altynsarin" medaliniń iegeri, TÚRKSOI-dyń "Toqtaǵul Satylǵanov - 150" medaliniń iegeri, Túrki Álemi Halyqaralyq "Qyzyl Alma" syilyǵynyń laýreaty, Qorqyt Ata atyndaǵy QMÝ-dyń "Úzdik Túlek" medaliniń iegeri, Halyqaralyq "Qazaq tili" qoǵamynyń "Ana tili" arnaiy medalimen jáne Abai atyndaǵy QazUPÝ rektorynyń, kásipodaq uiymynyń sheshimimen "Úzdik Ustaz" medalimen marapattaldy.

"Qashanda shákirt júregine jol taýyp, onyń qanatynyń qataiýyna ólsheýsiz úles qosqan ustazdyq eńbeginiń ózi tom-tom eńbek. Asa bilimdi, parasatty ǵalym, ardaqty azamat, aqkóńil, aqjarqyn aǵa Temirhan Saqaulynyń jarqyn beinesi júregimizde máńgi saqtalady", - delingen habarlamada.

Oqi otyryńyz