بٷگٸن, 12 سەۋٸردە 73 جاسقا قاراعان شاعىندا بەلگٸلٸ ەدەبيەتتانۋشى عالىم, فيلولوگييا عىلىمدارىنىڭ دوكتورى, اكادەميك سەرٸك قيراباەۆ اتىنداعى قازاق تٸلٸ مەن ەدەبيەتٸ كافەدراسىنىڭ پروفەسسورى تەمٸرحان ساقاۇلى تەبەگەنوۆ دٷنيەدەن وزدى. قايعىلى حاباردى فيلولوگييا ينستيتۋتى ەستٸرتتٸ, - دەپ حابارلايدى Tengrinews.kz.
تەمٸرحان تەبەگەنوۆ 1949 جىلى 18 قاراشادا قىزىلوردا وبلىسى قارماقشى اۋدانى, اقجار اۋىلىندا دٷنيەگە كەلگەن. 1972 جىلى قورقىت اتا اتىنداعى قىزىلوردا مەملەكەتتٸك ۋنيۆەرسيتەتٸنٸڭ فيلولوگييا فاكۋلتەتٸن بٸتٸرگەن. 1972 جىلى قارماقشى اۋدانىنداعى قۋاڭدارييا اتىنداعى №186 ورتا مەكتەپتە العاشقى ەڭبەك جولىن ۇستازدىقتان باستاعان ول 1974-1981 جىلدارى وبلىس ورتالىعىنداعى №10 ىبىراي التىنسارين ورتا مەكتەبٸندە ديرەكتوردىڭ تەربيە ٸسٸ جٶنٸندەگٸ ورىنباسارى بولىپ قىزمەت اتقاردى. ورتا مەكتەپتەگٸ قىزمەتتٸك ٶسۋ جولى 1981-1991 جىلدارى قىزىلوردا پەداگوگيكالىق ينستيتۋتىندا جالعاستى. اتالعان ينستيتۋتتىڭ قازاق تٸلٸ مەن ەدەبيەتٸ كافەدراسىندا اعا وقىتۋشى, قازاق ەدەبيەتٸ مەن اراب تٸلٸ كافەدراسىنىڭ مەڭگەرۋشٸسٸ سيياقتى قىزمەت باسپالداقتارىنان ٶتتٸ. 1992 جىلى حالىقارالىق قازاق تٸلٸ قوعامى رەسپۋبليكالىق باسقارماسىنىڭ مٷشەسٸ, قىزىلوردا وبلىسى ۇيىمى باسقارماسىنىڭ تٶراعاسى قىزمەتٸن دە ابىرويمەن اتقاردى.
