Jýyrda Belarýstegi Qazaqstan diplomatiialyq korpýsynyń qyzmetkerleri Brest jáne Grodno óńirlik kedenderiniń ótkizý pýnktterine bardy. Bul týraly Qazaqstannyń Belarýs Respýblikasyndaǵy Elshiligi habarlady.
Diplomatiialyq korpýsynyń qyzmetkerleri EAEO shekarasynyń Belarýs-Litva jáne Belarýs-Polsha ýchaskelerinde ornalasqan Brest jáne Grodno óńirlik kedenderiniń ótkizý pýnktterine bardy.
Sapar barysynda Qazaqstan diplomattary shekaradaǵy kedendik baqylaý protsesimen, keden qyzmetkerleriniń pasporttyq baqylaý júrgizý rásimimen, «Kamennyi Log», «Brýzgi», «Kozlovichi», «Brest-Zapadnyi» ótkizý pýnktteriniń jáne «Kamennyi Log-Beltamojservis», «Bremino-Brýzgi», «Brest-Beltamojservis-2» kólik-logistikalyq ortalyqtary ótkizý pýnktteriniń infraqurylymymen tanysty.
Kedendik ózara is-qimyldyń ózekti máseleleri, sondai-aq qazaqstandyq tasymaldaýshylarda týyndaityn problemalyq jaǵdailar Grodno óńirlik kedeniniń bastyǵy – A.N. Kovalchýk jáne Brest kedeniniń bastyǵy – A.K. Pihýnmen talqylandy.
Taýarlar men kólik quraldaryn EAEO-nyń syrtqy shekaralary arqyly ótkizý kezinde kedendik ákimshilendirý máselelerin sheshýde jan-jaqty járdemdesý týraly ýaǵdalastyqqa qol jetkizildi.
Jyl saiyn EAEO syrtqy shekarasynyń Belarýs ýchaskesi arqyly Qazaqstan Respýblikasyna 40 myńǵa jýyq kólik quraly, Qazaqstan Respýblikasynan – 15 myńǵa jýyq kólik quraly ótedi.
2020 jyldyń 10 aiynda QR Qarjy ministrliginiń Memlekettik kirister komiteti ókilderi Qazaqstannyń Belarýs Respýblikasyndaǵy sheteldik mekemeleriniń janynda ártúrli sipattaǵy qazaqstandyq tasymaldaýshylardyń 42 ótinishi boiynsha járdem kórsetti. Shara barysynda Belarýs Respýblikasynyń keden qyzmetimen ózara is-qimyl jasai otyryp 160-tan astam kedendik deklaratsiia boiynsha máseleler pysyqtaldy.
