Belarýspen aradaǵy munai jáne munai ónimderi salasyndaǵy kez kelgen qarym-qatynastar ekijaqty sharttar boiynsha iske asyrylady. Bul týraly elordada Energetika ministri Bolat Aqsholaqov aitty, dep habarlaidy QazAqparat.
Búgin elordada «Halyqtyń tabysyn arttyrýdyń 2025 jylǵa deiingi baǵdarlamasy» keshendi josparyna arnalǵan jiynnan keiin tilshiler ministrden Belarýs eline munai ónimderin jetkizýge qatysty suraq qoidy.
«Eýraziialyq ekonomikalyq odaq aiasynda 2025 jyldan bastap munai men munai ónimderiniń biryńǵai naryǵy josparlanǵan. Osyǵan deiin EAEO múshelerimen munai jáne munai ónimderi salasyndaǵy kez kelgen qatystar ekijaqty sharttar boiynsha iske asyrylady. Bul qujattar ratifikatsiiaǵa jatady. Sondyqtan munai men munai ónimderin jetkizý týraly Belarýspen aradaǵy shart kólemdi emes, jumys ustanymdaryn aiqyndaidy. Ónim kólemi jyl saiyn bekitiledi, iaǵni Belarýstiń qajettiligi men Qazaqstannyń múmkindigin eskere otyryp belgilenedi», - dedi Aqsholaqov.
Osy oraida ol munai boiynsha tehnikalyq múmkindikter burynnan bar ekenin, al munai ónimderi boiynsha temirjol tasymaly bar ekenin eske saldy.
«Qujattarǵa qol qoiylǵannan keiin, eki eldiń jaýapty ministrlikteri jumystaryn bastaidy. Belarýs jyl saiyn 20-22 mln tonna munaidy igeredi. Bul rette bes iri zaýyt bar, olar keńestik kezeńde salynǵan edi. Belarýste sapasy joǵary munai ónimderi shyǵarylady, eýropalyq standarttarǵa sai keledi. Sondyqtan bul eldiń aýmaǵynan eksportqa shyǵaryp keledi. EAEO aiasynda ónimderdi keri eksporttamai, qajettilikterdi jabý maqsatynda jetkizý máselesi kóterilip otyr», - dedi ministr.
«Tarihi turǵyda munaidyń osyndai kólemi (Belarýske) Reseiden jetkiziletin. Osy oraida olardyń kórshilik jaqyndyǵy eskerilgen edi, ekinshiden, RF-tiń munai óndirý kólemi Qazaqstanǵa qaraǵanda aitarlyqtai joǵary», - dedi Aqsholaqov.
