بەلارۋسپەن اراداعى مۇناي جەنە مۇناي ٶنٸمدەرٸ سالاسىنداعى كەز كەلگەن قارىم-قاتىناستار ەكٸجاقتى شارتتار بويىنشا ٸسكە اسىرىلادى. بۇل تۋرالى ەلوردادا ەنەرگەتيكا مينيسترٸ بولات اقشولاقوۆ ايتتى, دەپ حابارلايدى قازاقپارات.
بٷگٸن ەلوردادا «حالىقتىڭ تابىسىن ارتتىرۋدىڭ 2025 جىلعا دەيٸنگٸ باعدارلاماسى» كەشەندٸ جوسپارىنا ارنالعان جيىننان كەيٸن تٸلشٸلەر مينيستردەن بەلارۋس ەلٸنە مۇناي ٶنٸمدەرٸن جەتكٸزۋگە قاتىستى سۇراق قويدى.
«ەۋرازييالىق ەكونوميكالىق وداق اياسىندا 2025 جىلدان باستاپ مۇناي مەن مۇناي ٶنٸمدەرٸنٸڭ بٸرىڭعاي نارىعى جوسپارلانعان. وسىعان دەيٸن ەاەو مٷشەلەرٸمەن مۇناي جەنە مۇناي ٶنٸمدەرٸ سالاسىنداعى كەز كەلگەن قاتىستار ەكٸجاقتى شارتتار بويىنشا ٸسكە اسىرىلادى. بۇل قۇجاتتار راتيفيكاتسيياعا جاتادى. سوندىقتان مۇناي مەن مۇناي ٶنٸمدەرٸن جەتكٸزۋ تۋرالى بەلارۋسپەن اراداعى شارت كٶلەمدٸ ەمەس, جۇمىس ۇستانىمدارىن ايقىندايدى. ٶنٸم كٶلەمٸ جىل سايىن بەكٸتٸلەدٸ, ياعني بەلارۋستٸڭ قاجەتتٸلٸگٸ مەن قازاقستاننىڭ مٷمكٸندٸگٸن ەسكەرە وتىرىپ بەلگٸلەنەدٸ», - دەدٸ اقشولاقوۆ.
وسى ورايدا ول مۇناي بويىنشا تەحنيكالىق مٷمكٸندٸكتەر بۇرىننان بار ەكەنٸن, ال مۇناي ٶنٸمدەرٸ بويىنشا تەمٸرجول تاسىمالى بار ەكەنٸن ەسكە سالدى.
«قۇجاتتارعا قول قويىلعاننان كەيٸن, ەكٸ ەلدٸڭ جاۋاپتى مينيسترلٸكتەرٸ جۇمىستارىن باستايدى. بەلارۋس جىل سايىن 20-22 ملن توننا مۇنايدى يگەرەدٸ. بۇل رەتتە بەس ٸرٸ زاۋىت بار, ولار كەڭەستٸك كەزەڭدە سالىنعان ەدٸ. بەلارۋستە ساپاسى جوعارى مۇناي ٶنٸمدەرٸ شىعارىلادى, ەۋروپالىق ستاندارتتارعا ساي كەلەدٸ. سوندىقتان بۇل ەلدٸڭ اۋماعىنان ەكسپورتقا شىعارىپ كەلەدٸ. ەاەو اياسىندا ٶنٸمدەردٸ كەرٸ ەكسپورتتاماي, قاجەتتٸلٸكتەردٸ جابۋ ماقساتىندا جەتكٸزۋ مەسەلەسٸ كٶتەرٸلٸپ وتىر», - دەدٸ مينيستر.
«تاريحي تۇرعىدا مۇنايدىڭ وسىنداي كٶلەمٸ (بەلارۋسكە) رەسەيدەن جەتكٸزٸلەتٸن. وسى ورايدا ولاردىڭ كٶرشٸلٸك جاقىندىعى ەسكەرٸلگەن ەدٸ, ەكٸنشٸدەن, رف-تٸڭ مۇناي ٶندٸرۋ كٶلەمٸ قازاقستانعا قاراعاندا ايتارلىقتاي جوعارى», - دەدٸ اقشولاقوۆ.
