Parany aitarlyqtai kólemde bergenderdiń isi budan bylai aýyr qylmys túrine jatady. Bul týraly tolyǵyraq OKQ alańynda ótken baspasóz máslihatynda QR Sybailas jemqorlyqqa qarsy is-qimyl agenttigi tóraǵasynyń orynbasary Oljas Bektenov aityp berdi, dep habarlaidy QazAqparat.
«Qylmystyq jaýapkershilik zańsyz syiaqyny alýshylarǵa ǵana emes, deldaldar men para berýshilerge de kúsheitildi. Máselen, parany aitarlyqtai kólemde bergender 5 jylǵa deiin bas bostandyǵynan aiyrylsa (bul aýyrlyǵy ortasha qylmys sanalyp kelgen), jańa redaktsiiaǵa sáikes, jaza 7 jylǵa deiin uzartylǵan. Iaǵni bul qylmys avtomatty túrde aýyr qylmys túrine engizildi. Tiisinshe olar merziminen buryn bosap shyǵý quqyǵynan aiyrylyp, birden qaýipsizdigi tómen túzeý mekemesinde jazasyn óteý múmkindigine ie bolmaidy», - dedi QR Sybailas jemqorlyqqa qarsy is-qimyl agenttigi tóraǵasynyń orynbasary Oljas Bektenov OKQ-da ótken baspasóz máslihatynda.
Onyń aitýynsha, halyq jemqorlyqqa qarsy kúrestiń kúsheitilip kele jatqanyn túsinýi kerek.
«Parany alǵandar da, bergender de qatań jazalanady», - dedi ol.
