پارانى ايتارلىقتاي كٶلەمدە بەرگەندەردٸڭ ٸسٸ بۇدان بىلاي اۋىر قىلمىس تٷرٸنە جاتادى. بۇل تۋرالى تولىعىراق وكق الاڭىندا ٶتكەن باسپاسٶز مەسليحاتىندا قر سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ ورىنباسارى ولجاس بەكتەنوۆ ايتىپ بەردٸ, دەپ حابارلايدى قازاقپارات.
«قىلمىستىق جاۋاپكەرشٸلٸك زاڭسىز سىياقىنى الۋشىلارعا عانا ەمەس, دەلدالدار مەن پارا بەرۋشٸلەرگە دە كٷشەيتٸلدٸ. مەسەلەن, پارانى ايتارلىقتاي كٶلەمدە بەرگەندەر 5 جىلعا دەيٸن باس بوستاندىعىنان ايىرىلسا (بۇل اۋىرلىعى ورتاشا قىلمىس سانالىپ كەلگەن), جاڭا رەداكتسيياعا سەيكەس, جازا 7 جىلعا دەيٸن ۇزارتىلعان. ياعني بۇل قىلمىس اۆتوماتتى تٷردە اۋىر قىلمىس تٷرٸنە ەنگٸزٸلدٸ. تيٸسٸنشە ولار مەرزٸمٸنەن بۇرىن بوساپ شىعۋ قۇقىعىنان ايىرىلىپ, بٸردەن قاۋٸپسٸزدٸگٸ تٶمەن تٷزەۋ مەكەمەسٸندە جازاسىن ٶتەۋ مٷمكٸندٸگٸنە يە بولمايدى», - دەدٸ قر سىبايلاس جەمقورلىققا قارسى ٸس-قيمىل اگەنتتٸگٸ تٶراعاسىنىڭ ورىنباسارى ولجاس بەكتەنوۆ وكق-دا ٶتكەن باسپاسٶز مەسليحاتىندا.
ونىڭ ايتۋىنشا, حالىق جەمقورلىققا قارسى كٷرەستٸڭ كٷشەيتٸلٸپ كەلە جاتقانىن تٷسٸنۋٸ كەرەك.
«پارانى العاندار دا, بەرگەندەر دە قاتاڭ جازالانادى», - دەدٸ ول.
