Almatyda asa qaýipti Britan, Ońtústik Afrika shtamdary tirkelgen joq. Bul týraly Almaty sanitariialyq-epidemiologiialyq baqylaý departamentiniń basshysy, qalanyń bas memlekettik sanitar dárigeri Jandarbek Bekshin onlain brifing barysynda málimdedi, dep habarlaidy "Ult aqparat".
«Qazir koronavirýstyń qurylymynda ózgerister bolyp jatyr. Álemde onyń mýtatsiialanǵan 1400 shtamy anyqtaldy. Biraq olardyń qaýpi óte az. Al Britaniia jáne Ońtústik Afrika respýblikasynda anyqtalǵan shtamm óte qaýipti. Bizde Qazaqstanda bul shtamm tirkelgen joq. Bul shtamm burynǵy taralyp jatqan shtamnan 70 paiyzǵa qaýipti. Elimizde arnaiy ǵylymi ortalyǵymyz bar. Osy jerde tirkelip jatqan virýstar zertteledi. Bul eki virýs áli tabylǵan joq. Áýejaida da kúndelikti jumys istep jatyrmyz. Osy ýaqytqa deiin 74 jolaýshydan virýs anyqtaldy. Onyń barlyǵy oqshaýlandy», - dedi Bekshin.
Buǵan deiin bas sanitar dáriger qańtardaǵy ahýal jaily baiandaǵan bolatyn.
