Almaty qalasynyń bas sanitarlyq dárigeri Jandarbek Bekshin turǵyndardy toi-tomalaqtan bas tartýǵa shaqyrdy, dep habarlaidy "Ult aqparat".
Jandarbek Bekshin atap ótkendei, qalada syrqattanýshylyqtyń ósý sebebi – jappai kópshilik sharalardy uiymdastyrýda. Birinshi kezekte úilený jáne eske alý sharalary asa qaýipti, óitkeni ondai jiyndar jeldetilýi nashar jabyq úi-jailarda ótkiziledi. Mundai is-sharalarda qonaqtardyń uzaq ýaqyt otyratyny jáne keńinen bailanys jasaityny belgili.
«Meniń toi uiymdastyrýshylaryna aitarym, Siz ózińizge ǵana emes, barlyq qonaqtarǵa, infektsiiany ózine juqtyrý arqyly otbasylaryna da qaýip tóndiresiz. Sondai - aq, toi nemese eske alý keshi tekserýshi toptyń talaby boiynsha toqtatylady. Sóitip, toi ielerin qonaqtardyń aldynda yńǵaisyz jaǵdaida qaldyrasyzdar», - dedi J.Bekshin.
Sonymen qatar, ol epidemiia nemese onyń qaýpi jaǵdaiynda bir otbasy múshelerin qospaǵanda, 10-nan astam adamnyń jinalýy jappai shara bolyp sanalatynyn atap ótti.
