«Otandyq buqaralyq aqparat quraldarynyń básekelestigi jáne damýy máseleleri týraly» ótken Májilistegi Úkimet saǵatynda depýtat Bekbolat Tileýxan feisbýk jelisiniń Qazaqstanda saiasi arenaǵa ainalyp ketkenine qynjylys bildirdi, dep habarlaidy Baq.kz.
«Baiaǵyda minbege shyǵyp, sóz alý úshin, aqparat taratý úshin dáleldengen eńbegiń, qoǵamda pikir aitatyn bedeliń bolýy kerek edi. Baiaǵyda, eń bolmasa pikir aitý úshin 100 qoidan 101 qozy alýyń kerek bolatyn. Al qazir erinbegen etikshi, uialmaǵan ánshi bolatyn zaman týdy. Sheksiz maidan bastalyp ketti. Tizesine noýtbýgyn qoiyp oiyna kelgenin jaza beredi. Eline qurmeti qalǵan joq. Munyń bári, birinshiden, mádeniettiń joqtyǵynan. Tektiliktiń bolmaýynan dep oilaimyn. Mysaly, feisbýk AQSh-ta otbasymen balyq aýlaýǵa barǵandary sekildi demalystarynyń sýretin salatyn áleýmettik jeli bolyp sanalady. Al bizde, Qazaqstan qoǵamynda bul saiasi arenaǵa ainalyp otyr. Osyny aýyzdyqtaý úshin ne isteý kerek degen másele Aqparat ministrliginiń aldynda tur», – deidi B.Tileýhan.
.jpeg)