Búgin QR Parlamenti Májilisinde «Kinematografiia týraly» Qazaqstan Respýblikasy Zańy jobasynyń birinshi oqylymynda sóz sóilegen depýtat Bekbolat Tileýhan otandyq filmder túsirýge qolaily jaǵdai jasap, kórermenge óz ónimderimizdi kóptep usynatyn sát kelgenin málimdedi, dep habarlaidy Baq.kz tilshisi.
«Kinematografiia týraly zań elimizdiń mádenietine, ónerine, ideologiiasyna ǵana emes, qala berdi, ekonomikasyna da aitarlyqtai yqpaly bolǵandyqtan, el ómiri, ult taǵdyryna bei-jai qarai almaityn kez-kelgen azamat úshin bul mańyzdy qujat. Endi, «Kinematografiia týraly zań» degende, aldymen ulttyq kino jáne ony prokattaý júiesi oiymyzǵa oralady. Kinonyń tóńireginde keshendi másele jeterlik. Biraq, túiitkildi jaǵdailar osy zań jobasynda sheshimin tapqan. Ábden iii qanyp qarastyrylǵan zańdardyń biri boldy. Óitkeni, buǵan qoǵamda osy salaǵa qatysy bar adamdardyń birazy qatysty. Zań jobasynyń ekonomikalyq yqpaly jaiynda aitar bolsaq, elimizge jyl saiyn orta eseppen 300 tarta sheteldik ónim kiredi eken. Al ózimiz óndirip otyrǵan týyndylardyń kólemi osynyń 10 paiyzy shamasynda ǵana. Iaǵni, 30-40 film. Bul da bolsa sońǵy jyldarda jetip otyrǵan meje emes. Ol filmderdiń 20% Qazaqfilmniń, qalǵan 80% - jekemenshik stýdiialardyń týyndylary. Demek, bizde jekemenshik stýdiialardyń áleýeti bar. Olarǵa memleket tarapynan qarjylyq qoldaý qarastyrylyp, prokat máselesi sheshiletin bolsa, otandyq filmder lap ete qalǵaly tur», - dedi depýtat.
Ol «Kinematografiia týraly» zań júiesi sol filmderdi kórermenge erkin jetkizý júiesin jasap berý úshin ázirlenip otyrǵan dúnie ekenin atap ótti.
«Bizde prokattyq kompaniialar kóp jaǵdaida qazaq kinostýdiiasyna kóz juma qaraityny jasyryn emes. Sonda keltirip otyrǵan argýmentteriniń kóbi gollivýdtyq standartqa sai emes, jaryq, dybys siiaqty komponentter. Boks-ofistiń 40% quraǵan «Biznes po-kazahski» atty otandyq týyndy boldy. Sapaly, jaqsy, standartqa sai shyǵar. Biraq, bul kúlli qazaq kinosynyń kórsetkishi emes, bul - bir ǵana fakt. Endi bir kino tabysty boldy dep, qazaq kinosyn gollivýdtyq básekege jibere salýǵa bolmaidy. Otandyq kino memlekettiń qamqorlyǵynda, qaraýynda bolýy kerek. Ony «Qazaqfilm» óndire me, jekemenshik kinostýdiia óndire me, báribir. Keide boks-ofistiń kórsetkishi, jalpy, prokattaǵy otandyq filmderdiń betalysy qandai bolatynyn biz bilmeimiz. Iaǵni, bizge otandyq ónimderge qatysty naqty júieli boljam, analiz kerek, aqparattyq júie kerek», - dep aitty Bekbolat Tileýhan.
Depýtattyń aitýynsha, atalǵan zańmen monitoring júrgizetin dál osyndai aqparattyq júie qurýdy kózdelip otyr.
«Jalpy, qazaq kórermeni - ash. Ol óz ónimderimizdi kórgisi keledi. Ulttyq kino, ulttyq mádeniet turǵan jerde kei dúnieler ysyrylyp, oǵan oryn berýi kerek dep suraý, onyń esh sókettigi joq. Osy zań jobasy qazaq kinosyn prokat turǵysynan alǵanda ár kórermenine jetkizý úshin tetik bolady dep sanaimyn. Ol úshin qajetti basty normalar bekitilgen. Bir-eki jerde Ońtústik Koreia men Frantsiianyń tájiribelerin usynǵandar boldy. Biraq, Mahambet aitpaqshy, «balpań-balpań kim baspas, basarǵa baltyr shydasa» degendei, keibir nárseler ýaqyt pen múmkindikter jetpei otyrǵandyqtan, keiingi kúnderdiń enshisine qaldy», - degen depýtat búgingi kúni qazaq kinematografiiasy týraly zańnyń qaraýǵa shyǵarylyp, qabyldanyp otyrǵanynyń ózi kino salasy úshin úlken bir jetistik ekenin aitty.
Eske sala ketsek, QR Parlamenti Májilisinde «Kinematografiia týraly» Qazaqstan Respýblikasy Zańy jobasynyń birinshi oqylymynda palata tóraǵasy Nurlan Nyǵmatýlin eldegi filmderge «ulttyq» mártebe berý barysynda suryptaý belgilerine qatysty pikir bildirdi. Ol qazaqstandyq filmderdiń barlyǵyn saqtaý qajettiligi bar ekenin aitty jáne otandyq kinoteatrlardyń jumysyn baqylaýǵa alý kerektigin jetkizdi.
Sondai-aq Májiliste baiandama jasaǵan QR Mádeniet jáne sport ministri Arystanbek Muhamediuly «Qazaqfilm» kinostýdiiasynyń tehnikalyq jabdyqtalýy tómen ekenin málimdedi.
QR Parlamenti Májilisiniń depýtaty Abai Tasbolatov elimizde balalardyń mýltfilmderdi tek oryssha kórip júrgenin aityp, atalǵan máselege nazar aýdarýdy talap etti.
