Kezekten tys Prezident sailaýy ótkennen keiin eldiń kóńili alań bolǵany belgili. Osy rette belgili qoǵam qairatkeri, Májilis depýtaty Bekbolat Tileýhanov jurtty sabyrǵa shaqyryp, pikir bildirdi. Onyń oi-paiymy áleýmettik jelige tarap ketti, dep habarlaidy dalanews.kz portaly.
– Qazir protest bar ma, bar. Bul sailaý – burynǵy sailaýlardan ózgeshe ótti. Bul jolǵy sailaýda baqylaýshylar kóp boldy. Báigede barlyq at máreni birinshi bolyp kespeidi ǵoi. Sondyqtan báige-báseke bolǵan jerde kóńili tolmaityn adamdardyń bolýy - zańdy qubylys. Biraz adam «bitke ókpelep, tonyn otqa jaǵypty» degendei alańǵa shyqty. Qai halyq alańǵa shyǵyp arman-muratyna jetipti? Qai el tóńkeris jasap, ózi otyrǵan butaǵyn aralapty? – dep Bekbolat Tileýhan jurtty sabasyna túsirýge tyrysty.
Budan keiin ol sailaýda jeńiske jetken Qasym-Jomart Toqaevqa elde týyndaǵyn áleýmettik máselelerdi sheshýge mursat berý kerek ekenin aitty.
– Árine, qoǵamda qyjyl bar. Nesiesin jaba almai halyqtyń qinalyp júrgenin bilemin. Biraq, bul másele – aiqaimen sheshilmeidi. Ana alańda turǵan politsiia - meniń baýyrlarym, ereýildetip júrgender meniń – uldarym men qyzdarym. Osyny kórgende ishim ashidy. Mundai qasiretti jaǵdaiǵa berilmeýimiz kerek. Toqaev «Starye problemy i novye reshenie» dep aitty ǵoi. Biz oǵan mursat beriik. Táýelsizdiktiń ekinshi testi, iaǵni, jańa synaǵy bastaldy. Jańa dáýirge aiaq bastyq. Nazarbaev dáýiri ótti. Astanasyn salyp, Qazaqstandy búkil álemge tantty. Bir sózben aitqanda ózine tiisti sharýasyn aiaǵyna deiin jetkizdi. Búginde Qazaqstan sekildi elge syrtpen bailanysty damytatyn diplomat kerek ekenin bárimiz bilemiz. Sondyqtan dál qazir bizge sabyrlylyq qajet. Mundai sátte qanǵa sińgen tektiligimizdi kórsetýimiz kerek, – dedi Májilis depýtaty.
