كەزەكتەن تىس پرەزيدەنت سايلاۋى ٶتكەننەن كەيٸن ەلدٸڭ كٶڭٸلٸ الاڭ بولعانى بەلگٸلٸ. وسى رەتتە بەلگٸلٸ قوعام قايراتكەرٸ, مەجٸلٸس دەپۋتاتى بەكبولات تٸلەۋحانوۆ جۇرتتى سابىرعا شاقىرىپ, پٸكٸر بٸلدٸردٸ. ونىڭ وي-پايىمى ەلەۋمەتتٸك جەلٸگە تاراپ كەتتٸ, دەپ حابارلايدى dalanews.kz پورتالى.
– قازٸر پروتەست بار ما, بار. بۇل سايلاۋ – بۇرىنعى سايلاۋلاردان ٶزگەشە ٶتتٸ. بۇل جولعى سايلاۋدا باقىلاۋشىلار كٶپ بولدى. بەيگەدە بارلىق ات مەرەنٸ بٸرٸنشٸ بولىپ كەسپەيدٸ عوي. سوندىقتان بەيگە-بەسەكە بولعان جەردە كٶڭٸلٸ تولمايتىن ادامداردىڭ بولۋى - زاڭدى قۇبىلىس. بٸراز ادام «بيتكە ٶكپەلەپ, تونىن وتقا جاعىپتى» دەگەندەي الاڭعا شىقتى. قاي حالىق الاڭعا شىعىپ ارمان-مۇراتىنا جەتٸپتٸ? قاي ەل تٶڭكەرٸس جاساپ, ٶزٸ وتىرعان بۇتاعىن ارالاپتى? – دەپ بەكبولات تٸلەۋحان جۇرتتى ساباسىنا تٷسٸرۋگە تىرىستى.
بۇدان كەيٸن ول سايلاۋدا جەڭٸسكە جەتكەن قاسىم-جومارت توقاەۆقا ەلدە تۋىنداعىن ەلەۋمەتتٸك مەسەلەلەردٸ شەشۋگە مۇرسات بەرۋ كەرەك ەكەنٸن ايتتى.
– ەرينە, قوعامدا قىجىل بار. نەسيەسٸن جابا الماي حالىقتىڭ قينالىپ جٷرگەنٸن بٸلەمٸن. بٸراق, بۇل مەسەلە – ايقايمەن شەشٸلمەيدٸ. انا الاڭدا تۇرعان پوليتسييا - مەنٸڭ باۋىرلارىم, ەرەۋٸلدەتٸپ جٷرگەندەر مەنٸڭ – ۇلدارىم مەن قىزدارىم. وسىنى كٶرگەندە ٸشٸم اشيدى. مۇنداي قاسٸرەتتٸ جاعدايعا بەرٸلمەۋٸمٸز كەرەك. توقاەۆ «ستارىە پروبلەمى ي نوۆىە رەشەنيە» دەپ ايتتى عوي. بٸز وعان مۇرسات بەريٸك. تەۋەلسٸزدٸكتٸڭ ەكٸنشٸ تەستٸ, ياعني, جاڭا سىناعى باستالدى. جاڭا دەۋٸرگە اياق باستىق. نازارباەۆ دەۋٸرٸ ٶتتٸ. استاناسىن سالىپ, قازاقستاندى بٷكٸل ەلەمگە تانتتى. بٸر سٶزبەن ايتقاندا ٶزٸنە تيٸستٸ شارۋاسىن اياعىنا دەيٸن جەتكٸزدٸ. بٷگٸندە قازاقستان سەكٸلدٸ ەلگە سىرتپەن بايلانىستى دامىتاتىن ديپلومات كەرەك ەكەنٸن بەرٸمٸز بٸلەمٸز. سوندىقتان دەل قازٸر بٸزگە سابىرلىلىق قاجەت. مۇنداي سەتتە قانعا سٸڭگەن تەكتٸلٸگٸمٸزدٸ كٶرسەتۋٸمٸز كەرەك, – دەدٸ مەجٸلٸس دەپۋتاتى.
