Úkimet basshysynyń orynbasary Roman Skliar BekAir áýekompaniiasy ushaǵynyń apatqa ushyraý sebepterin anyqtaý boiynsha úkimettik komissiia jumysynyń aldyn ala boljamyn jariialady, dep habarlaidy "Ult aqparat".
«Komissiia apattyń mán-jaiyn taldai kele 4 nusqany anyqtady: birinshiden, áýe kemesine kommertsiialyq júktiń tielýindegi jáne ushaqtyń tepe-teńdigin anyqtaýdaǵy buzýshylyq, ekinshiden meteojaǵdai sekildi syrtqy yqpal, úshinshi pilottaýdaǵy ekipajdyń qateligi jáne tórtinshisi aviatsiialyq tehnikanyń buzylýy», - dedi Roman Skliar OKQ-da ótken baspasóz máslihatynda.
Eske sala ketsek, 2019 jyldyń 27 jeltoqsanynda Almatydan Nur-Sultan qalasyna ushyp shyqqan Bekeir kompaniiasynyń ushaǵy radardan joǵalyp ketti. Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy. QR Premer-Ministri Asqar Maminniń tóraǵalyǵymen ushaq apatynyń sebepterin tergeý boiynsha Úkimettik komissiianyń otyrysy ótkizilgen edi. Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia jiberildi.
