Qazaqstannyń aviatsiia ákimshiligi «Bek Eir» AQ-nyń paidalanýshy jáne áýe kemeleriniń ushýǵa jaramdylyǵy sertifikattaryn qaitaryp aldy.
Bul týraly QazAqparat QR Indýstriia jáne infraqurylymdyq damý ministrliginiń baspasóz málimetterine silteme jasap habarlaidy.
«Qazaqstan Respýblikasynyń áýe keńistigin paidalaný jáne aviatsiia qyzmeti týraly» Zańnyń 12 babynyń 5-tarmaǵyna, 16-9 baby 2-tarmaǵynyń 10 tarmaqshasyna sáikes, «Qazaqstannyń aviatsiialyq ákimshiligi» AQ jibergen kemshilikterdi joiý týraly nusqaýlardy oryndamaýyna bailanysty «Bek Eir» AQ-nyń paidalanýshy sertifikaty keri qaitaryp alyndy. Sondai-aq, «Bek Eir» AQ-nyń 9 Fokker áýe kemesiniń ushýǵa jaramdylyǵy sertifikattary keri qaitaryldy.
Paidalanýshy jáne joǵaryda kórsetilgen áýe kemeleriniń ushýǵa jaramdylyǵy sertifikattyryn alý úshin áýe kompaniiasy qaitadan tolyq sertifikattaý rásiminen ótýi qajet»,-delingen habarlamada.
Sondai-aq onda osyǵan deiin «Qazaqstannyń aviatsiialyq ákimshiligi» AQ Bas kólik prokýratýrasymen birlesip «Bek Eir» áýe kompaniiasynyń qyzmetine jospardan tys tekserý júrgizip, nátijesinde ushý qaýipsizdigine áser etetin óreskel zań buzýshylyqtardy anyqtalǵandyǵy aitylǵan.
