Almatyda Túrksib aýdandyq soty QR Saýda jáne integratsiia ministrliginiń Tutynýshylar quqyǵyn qorǵaý komitetiniń «Bek Air» AQ áýe kompaniiasynyń toqtatylǵan reisteriniń biletterin qaitarý týraly aryzyn qanaǵattandyrdy, dep habarlaidy "Ult aqparat".
Komitet 535 adamnyń 33,8 mln teńgesin daýlaǵan bolatyn.
Bir kún buryn bolǵan sot otyrysynda prokýror áýe kompaniiasynan tutýnyshynyń erkinen tys ushpai qalǵan reis biletteriniń qunyn qaitarý týraly suraǵan bolatyn.
Bul - komitettiń áýe kompaniiasyna qatysty berip otyrǵan úshinshi aryzy.
Aita ketý kerek, 16-26 qazanda apelliatsiialyq kollegiia «Bek Air» kompaniiasynyń shaǵymyn qanaǵattandyrýsyz qaldyrǵan edi.
Osylaisha ekinshi, úshinshi shaǵymdar zańdy kúshine endi.
Endi qarajatty qaitarý «QR Atqarý óndirisi men sot oryndaýshylarynyń mártebesi týraly» zańyna sáikes júzege asyrylady.
«Bek Air» áýe kompaniiasynyń jumysyna bailanysty shaǵymdardyń tolastamaýyna orai komitet taǵy da tórtinshi ret sotqa júginýi múmkin.
Eske sala ketsek, 2019 jyldyń 27 jeltoqsanynda Almatydan Nur-Sultan qalasyna ushyp shyqqan Bekeir kompaniiasynyń ushaǵy radardan joǵalyp ketti.
Keiin 95 jolaýshysy jáne 5 ekipaj múshesi bar ushaqtyń apatqa ushyraǵany málim boldy.
Ushaq jerge qulaǵan soń syrǵanap baryp áýejai aýmaǵyna jaqyn tustaǵy aýyl shetindegi eki qabatty úige soǵylǵan. Saldarynan 12 adam qaza tapty. Osydan keiin Bek Air áýe kompaniiasyna tiesili toǵyz Fokker-100 ushaǵynyń qyzmeti toqtatyldy.
