Almaty oblysynyń Talǵar aýdandyq soty burynǵy sheneýnikter men rieltorǵa Bek Air ushaǵy apat bolǵan Almaty áýejaiynyń janynan jerdi zańsyz bólip berý isi boiynsha úkim shyǵardy. Burynǵy úsh sheneýnikke 3 jyl bas bostandyǵynan aiyrý jazasy kesildi. Qalǵandary 2,5 jyldan 4 jylǵa deiin sottaldy, dep habarlaidy "Ult aqparat".
2019 jyly jeltoqsanda Almaty áýejaiy mańynda Bek Air ushaǵynyń apatynan keiin áýejaiǵa tym jaqyn ornalasqan jer ýchaskeleriniń zańdylyǵy tekserilgen bolatyn. Tergeý barysynda 5 sheneýnik pen 1 rieltor kúdikke ilindi. Atap aitar bolsaq, Rýstam Turysbekov, Jaras Mashimbaev, Medeý Qalybekov, Berik Abdýllaev, Qairat Altynbekuly, sondai-aq deldal – rieltor Nuraiym Aldanysh.
Búgin olarǵa sot úkimi shyqty.
Jer registri ǵylymi-óndiristik ortalyǵy Talǵar aýdandyq bóliminiń burynǵy bastyǵy Jaras Máshimbaevqa 4 jylǵa bas bostandyǵyn shekteý týraly úkim shyqty. Táýelsizdiktiń 25 jyldyǵyna arnalǵan raqymshylyqqa bailanysty onyń merzimi bir jylǵa deiin qysqartyldy. Nátijiesinde 3 jyl shartty jaza taǵaiyndaldy.
Talǵar aýdandyq jer qatynastary bóliminiń burynǵy bastyǵy Rýstam Turysbekov kináli dep tanylyp, memlekettik qyzmettegi laýazymdardy atqarý quqyǵynan 7 jylǵa aiyra otyryp, 5,6 jyl berdi. Qazaqstan Táýelsizdiginiń 25 jyldyǵyna arnalǵan raqymshylyqqa bailanysty onyń merzimi qysqartyldy. Nátijesinde ol 4,1 jyldy qaýipsizdigi shekteýli koloniiada óteýi kerek bolady.
Burynǵy Jer kadastry ǵylymi-óndiristik ortalyǵy aimaqtyq bólimi bastyǵynyń mindetin atqarýshy Medeý Qalybekovke de 4 jylǵa bas bostandyǵyn shekteý týraly sot úkimi shyqty. Raqymshylyqqa bailanysty ol 3 jyl shartty jaza arqalady.
Basqarmanyń Jerge ornalastyrý sektorynyń burynǵy bastyǵy mindetin atqarýshy Berik Abdýllaevqa 4 jylǵa bas bostandyǵyn shekteý jazasy taǵaiyndaldy. Raqymshylyqtyń arqasynda oǵan 3 jyl shartty jaza qoldanyldy.
Talǵar aýdandyq jer qatynastary bóliminiń burynǵy bastyǵy Qairat Altynbekuly kináli dep tanyldy. Sot ony 6 jyl merzimge memlekettik qyzmettegi laýazymdardy atqarý quqyǵynan aiyra otyryp, qaýipsizdigi shekteýli koloniiada 4 jylyn ótkizýdi buiyrdy. Raqymshylyqqa bailanysty onyń merzimi qysqaryp, koloniiadaǵy merzimi 3 jyl dep taǵaiyndaldy.
Rieltor Nuraiym Aldanysh 5 jylǵa bas bostandyǵynan aiyrylyp, qaýipsizdigi ortasha koloniiaǵa jiberiletin boldy. Táýelsizdiktiń 25 jyldyǵyna arnalǵan raqymshylyqqa bailanysty onyń merzimi 2,6 jylǵa qysqardy.
Aita keteiik, buǵan deiingi protseste prokýror eks-sheneýnikterdi, iaǵni, barlyq sottalýshylardy 4 jyldan 6 jylǵa bas bostandyǵynan aiyrý jazasyn suraǵan bolatyn.
Esterińizge sala keteiik, 2019 jyldyń 27 jeltoqsanyńda «Bek Air» áýe kompaniiasynyń ushaǵy apatqa ushyrady.
Almaty - Nur-Sultan baǵytyndaǵy ushaq biiktikti saqtai almai, beton qorshaýyn buzyp ótken.
Artynsha eki qabatty turǵyn úige soǵyldy, 12 adam mert boldy, 69 adam zardap shekti. Onyń 51-i aýrýhanaǵa tústi.
