الماتى وبلىسىنىڭ تالعار اۋداندىق سوتى بۇرىنعى شەنەۋنٸكتەر مەن ريەلتورعا Bek Air ۇشاعى اپات بولعان الماتى ەۋەجايىنىڭ جانىنان جەردٸ زاڭسىز بٶلٸپ بەرۋ ٸسٸ بويىنشا ٷكٸم شىعاردى. بۇرىنعى ٷش شەنەۋنٸككە 3 جىل باس بوستاندىعىنان ايىرۋ جازاسى كەسٸلدٸ. قالعاندارى 2,5 جىلدان 4 جىلعا دەيٸن سوتتالدى, دەپ حابارلايدى "ۇلت اقپارات".
2019 جىلى جەلتوقساندا الماتى ەۋەجايى ماڭىندا Bek Air ۇشاعىنىڭ اپاتىنان كەيٸن ەۋەجايعا تىم جاقىن ورنالاسقان جەر ۋچاسكەلەرٸنٸڭ زاڭدىلىعى تەكسەرٸلگەن بولاتىن. تەرگەۋ بارىسىندا 5 شەنەۋنٸك پەن 1 ريەلتور كٷدٸككە ٸلٸندٸ. اتاپ ايتار بولساق, رۋستام تۇرىسبەكوۆ, جاراس ماشيمباەۆ, مەدەۋ قالىبەكوۆ, بەرٸك ابدۋللاەۆ, قايرات التىنبەكۇلى, سونداي-اق دەلدال – ريەلتور نۇرايىم الدانىش.
بٷگٸن ولارعا سوت ٷكٸمٸ شىقتى.
جەر رەگيسترٸ عىلىمي-ٶندٸرٸستٸك ورتالىعى تالعار اۋداندىق بٶلٸمٸنٸڭ بۇرىنعى باستىعى جاراس مەشٸمباەۆقا 4 جىلعا باس بوستاندىعىن شەكتەۋ تۋرالى ٷكٸم شىقتى. تەۋەلسٸزدٸكتٸڭ 25 جىلدىعىنا ارنالعان راقىمشىلىققا بايلانىستى ونىڭ مەرزٸمٸ بٸر جىلعا دەيٸن قىسقارتىلدى. نەتيجيەسٸندە 3 جىل شارتتى جازا تاعايىندالدى.
تالعار اۋداندىق جەر قاتىناستارى بٶلٸمٸنٸڭ بۇرىنعى باستىعى رۋستام تۇرىسبەكوۆ كٸنەلٸ دەپ تانىلىپ, مەملەكەتتٸك قىزمەتتەگٸ لاۋازىمداردى اتقارۋ قۇقىعىنان 7 جىلعا ايىرا وتىرىپ, 5,6 جىل بەردٸ. قازاقستان تەۋەلسٸزدٸگٸنٸڭ 25 جىلدىعىنا ارنالعان راقىمشىلىققا بايلانىستى ونىڭ مەرزٸمٸ قىسقارتىلدى. نەتيجەسٸندە ول 4,1 جىلدى قاۋٸپسٸزدٸگٸ شەكتەۋلٸ كولونييادا ٶتەۋٸ كەرەك بولادى.
بۇرىنعى جەر كاداسترى عىلىمي-ٶندٸرٸستٸك ورتالىعى ايماقتىق بٶلٸمٸ باستىعىنىڭ مٸندەتٸن اتقارۋشى مەدەۋ قالىبەكوۆكە دە 4 جىلعا باس بوستاندىعىن شەكتەۋ تۋرالى سوت ٷكٸمٸ شىقتى. راقىمشىلىققا بايلانىستى ول 3 جىل شارتتى جازا ارقالادى.
باسقارمانىڭ جەرگە ورنالاستىرۋ سەكتورىنىڭ بۇرىنعى باستىعى مٸندەتٸن اتقارۋشى بەرٸك ابدۋللاەۆقا 4 جىلعا باس بوستاندىعىن شەكتەۋ جازاسى تاعايىندالدى. راقىمشىلىقتىڭ ارقاسىندا وعان 3 جىل شارتتى جازا قولدانىلدى.
تالعار اۋداندىق جەر قاتىناستارى بٶلٸمٸنٸڭ بۇرىنعى باستىعى قايرات التىنبەكۇلى كٸنەلٸ دەپ تانىلدى. سوت ونى 6 جىل مەرزٸمگە مەملەكەتتٸك قىزمەتتەگٸ لاۋازىمداردى اتقارۋ قۇقىعىنان ايىرا وتىرىپ, قاۋٸپسٸزدٸگٸ شەكتەۋلٸ كولونييادا 4 جىلىن ٶتكٸزۋدٸ بۇيىردى. راقىمشىلىققا بايلانىستى ونىڭ مەرزٸمٸ قىسقارىپ, كولونيياداعى مەرزٸمٸ 3 جىل دەپ تاعايىندالدى.
ريەلتور نۇرايىم الدانىش 5 جىلعا باس بوستاندىعىنان ايىرىلىپ, قاۋٸپسٸزدٸگٸ ورتاشا كولونيياعا جٸبەرٸلەتٸن بولدى. تەۋەلسٸزدٸكتٸڭ 25 جىلدىعىنا ارنالعان راقىمشىلىققا بايلانىستى ونىڭ مەرزٸمٸ 2,6 جىلعا قىسقاردى.
ايتا كەتەيٸك, بۇعان دەيٸنگٸ پروتسەستە پروكۋرور ەكس-شەنەۋنٸكتەردٸ, ياعني, بارلىق سوتتالۋشىلاردى 4 جىلدان 6 جىلعا باس بوستاندىعىنان ايىرۋ جازاسىن سۇراعان بولاتىن.
ەستەرٸڭٸزگە سالا كەتەيٸك, 2019 جىلدىڭ 27 جەلتوقسانىڭدا «Bek Air» ەۋە كومپانيياسىنىڭ ۇشاعى اپاتقا ۇشىرادى.
الماتى - نۇر-سۇلتان باعىتىنداعى ۇشاق بيٸكتٸكتٸ ساقتاي الماي, بەتون قورشاۋىن بۇزىپ ٶتكەن.
ارتىنشا ەكٸ قاباتتى تۇرعىن ٷيگە سوعىلدى, 12 ادام مەرت بولدى, 69 ادام زارداپ شەكتٸ. ونىڭ 51-ٸ اۋرۋحاناعا تٷستٸ.
