Balalar shuǵyl meditsinalyq járdem ortalyǵynda bolǵan. Eki bala jaqynda ambýlatoriialyq emge jiberildi. Bul týraly Almaty qalasy Qoǵamdyq densaýlyq saqtaý basqarmasy basshysynyń mindetin atqarýshy Tileýhan Ábildaev aitty, - dep habarlaidy Baq.kz.
Áýe apaty kezinde toǵyz bala túrli jaraqatpen statsionarlyq em alǵan. Dárigerler eki balaǵa joǵary tehnologiialyq ádispen operatsiia jasaǵan.
Sondai-aq, qazirgi tańda Almaty statsionarynda, Almaty kópsalaly aýrýhanasynda jáne Nur-Sultanda 16 adam em qabyldap jatyr.
Atap aitar bolsaq, №4 qalalyq klinikalyq aýrýhanada jeti adam, Almaty qalalyq jedel shuǵyl kómek kórsetý aýrýhanasynda (JShKKA) eki adam, qalalyq ortalyq aýrýhanada eki adam, Almaty kópsalaly aýrýhanasynda eki adam jáne Nur-Sultan qalasynda taǵy úsh adam emdelýde.
Ushaq apatqa ushyraǵan kúni aýrýhanaǵa 52 naýqas jetkizilgen, onyń 9-y bala bolǵan.
Esterińizge sala keteiik, Almatydan shyqqan Bek Air jolaýshylar ushaǵy qulaǵan edi. Ushaq Qyzyl tý aýylynda apatqa ushyraǵan. 7 adam oqiǵa ornynda qaza tapty.
Sonymen qatar, zardap shekkender men bortta bolǵan jolaýshylar tizimi jariialandy.
Aýrýhanada taǵy bir adam kóz jumyp, qaza tapqandardyń sany 12 adamǵa jetti. Sol apatta Informburo.kz redaktory Dana Krýglova qaitys boldy. Bolǵan jaǵdaiǵa bailanysty Bek Air aviakompaniiasynyń litsenziiasy toqtatyldy.
Memleket basshysynyń buiryǵymen 28 jeltoqsan elimiz boiynsha qaraly kún dep jariialandy.
Al ushaq bortyndaǵy ekipajdardyń esimderi belgili boldy. Búgin Fokker kompaniiasy Bek Air ushaǵynyń qulaý sebepterin anyqtaý maqsatynda Almatyǵa mamandardy jiberetini aityldy.
