Ulybritaniianyń dári-dármek pen meditsinalyq ónimdi baqylaý agenttigi (MHRA) koronavirýstan 95 paiyz qorǵaidy delingen Pfizer/BioNTech vaktsinasyn jappai paidalanýǵa jaramdy ári qaýipsiz dep tanydy. Bul aqparatty BBC agenttigi habarlady. Aldaǵy kúnderi vaktsina basymdyq berilgen toptarǵa egile bastaidy.
Ulybritaniia 20 million adamdy eki retten egýge múmkindik beretin 40 million doza vaktsinaǵa tapsyrys bergen. Sarapshylar vaktsinatsiia bastalsa da, adamdar immýnitet qalyptasqansha sanitarlyq talaptardy saqtaýy tiis deidi.
Ulybritaniia - nemis pen amerikanyń eki kompaniiasy birigip jasaǵan Pfizer/BioNTech vaktsinasyn maquldaǵan alǵashqy el.
Bir kún buryn Moderna men BioNTech/Pfizer kompaniialarynyń AQSh pen Eýropada vaktsinany tirkeýge ótinish bergeni habarlanǵan edi.
Qazirgi kezde álem elderi jyl sońyna deiin paidalanýǵa beriledi delinge nkoronavirýs vaktsinalaryn paidalaný josparyn ázirleýge kirisken. AQSh-tyń aýrýdy baqylaý jáne aldyn alý ortalyǵynyń sarapshylar toby osy aptada 21 million meditsina qyzmetkeri men áleýmettik qyzmet kórsetý ortalyqtaryndaǵy 3 million adamǵa birinshi kezekte vaktsina egýdi maquldady.
Frantsiia 2021 jyldyń basynda dárigerler men densaýlyǵy dimkás adamdardy vaktsinatsiiadan ótkizýdi josparlap otyr. Halyqtyń qalǵan bóligine sáýir men maýsym aralyǵynda dári egiledi. Indetten qatty zardap shekken elderdiń biri Braziliianyń densaýlyq saqtaý ministri tórt kezeńnen quralǵan ulttyq immýnizatsiia josparyn tanystyrdy.
2021 jyldyń ortasyna deiin vaktsina shekteýli kúide óndiriletindikten memleketter birinshi kezekte meditsina mamandary men densaýlyǵyna qaýip tóngen adamdardy vaktsinadan ótkizý amalyn qarastyryp jatyr.
Sońǵy málimet boiynsha, álemde 63,7 million adamǵa koronavirýs juqqan, 1 mln 479 myń adam qaitys bolǵan.
