Foto: Weproject.media
Bloger Shymkenttegi bir úilený toiynda bolyp, óńirdiń toi mádenieti týraly sóz qozǵady. Ol óz pikirin Threads áleýmettik jelisinde jazdy, dep habarlaidy Ult.kz.
Onyń aitýynsha, saltanatty shara uiymdastyrý men qonaqtardyń tártibi syn kótermeidi.
Blogerdiń jazbasyna súiensek, toi 19:00-de bastalýy kerek bolǵan, alaida tamada 19:33-te qonaqtardy ústelge otyrǵyzǵan. «Ol ýaqytta adam tolyq jinalmaitynyn biledi ǵoi» dep jazdy ol. Tipti 20:10-da bastalǵan toi kezinde adamdar áli zalǵa kirip-shyǵyp júrgen.
Toi bastalǵanda alǵashqy tostty eshkim tyńdamaǵan: bireýler fotoǵa túsip júr, bireýler temeki shegýde, al keibir qonaqtar zaldyń ortasynda ersili-qarsyly júrgen. «Bazar siiaqty» dep sipattady bloger.
Sonymen qatar ol toibastardyń ádettegiden erte taratylǵanyn, torttyń da josparsyz kesilgenin aitty. Toi ieleri qonaqtardy shaqyrǵanda, bári óz betterimen júrgen.
Bloger qonaqtardyń mádenietine de shúilikti: «Adamdar paket-paket sarqyt salyp, jan-jaǵyna qaramai, toi iesin syilamai shyǵyp ketti» deidi ol. 23:10-da dostary tost aitýǵa kóterilgende, zaldyń jartysy bosap qalǵan.
«9 saǵat jol júrip bardym, biraq toiǵa qatystym dep aita almaimyn. Eń este qalǵany – alǵashqy jáne sońǵy tost qana», – dep túiindedi bloger.
Bul jazba jeli qoldanýshylary arasynda qyzý pikirtalas týdyrdy. Kópshilik toi ótkizý mádenietin jańartatyn ýaqyt kelgenin aitady.
