Ulttyq banktiń basqarma tóraǵasy Ǵalymjan Pirmatov 2023 jyly da qarjy retteýshisiniń aqsha-kredit saiasaty qatańdaýy múmkin ekenin aitty, dep habarlaidy QazAqparat.
«2023 jyldan bastap infliatsiiany josparly túrde tómendetý úshin qajetti bazalyq mólsherleme deńgeiine barynsha naqty baǵalaý júrgiziledi. Bazalyq mólsherlemeniń aǵymdaǵy kóterilý mólsheri jetkiliksiz bolǵan jaǵdaida Ulttyq bank aqsha-kredit talaptaryn odan ári qatańdatý múmkindigin qarastyratyn bolady. Bul stsenariidiń yqtimaldyǵy joǵary dep baǵalanýda», dedi ol Ulttyq banktiń arnaiy brifinginde.
Ǵalymjan Pirmatov jyl sońyna boljanyp otyrǵan infliatsiia men aqsha-kredit talaptarynyń baǵalaýlaryn eskergenderin, bazalyq mólsherlemeniń taǵy da kóterilýi múmkin ekenin aitady.
«Bazalyq mólsherleme boiynsha kezekti sheshim 2022 jylǵy 5 jeltoqsanda Astana qalasynyń ýaqyty boiynsha saǵat 14:00-de jariialanady», - dedi ol.
Eske salsaq, Ulttyq bank bazalyq mólsherlemeni 16%-ǵa deiin kóterdi.
