Premer-Ministr Álihan Smaiylov «Báiterek» ulttyq basqarýshy holdingi» AQ ujymyna Direktorlar keńesiniń sheshimimen sailanǵan basqarmanyń jańa tóraǵasy Qanat Sharlapaevty tanystyrdy, dep habarlaidy primeminister.kz.
Úkimet basshysy «Báiterek» UBH» AQ-nyń burynǵy basqarma tóraǵasy Aidar Áriphanovqa Holding basshysy retinde atqarǵan jumysy úshin alǵys bildirdi.
Premer-Ministr Holdingtiń jańa basshysy Qanat Sharlapaevty tanystyra otyryp, onyń álemdegi iri investitsiialyq bankterdiń biri – «Siti» qurylymdaryndaǵy úlken basqarýshylyq jumys tájiribesin atap ótti.
«Báiterektiń» aldyna mańyzdy mindetter qoiyldy. Birinshi kezekte, bul – ekonomikanyń shikizattyq emes sektorlaryn, kásipkerlikti damytý, qarjylandyrýdyń qoljetimdiligin arttyrý jáne AÓK-tegi óndiristi keńeitý. Memleket basshysy áleýmettik-ekonomikalyq damýdyń atalǵan baǵyttaryna basa kóńil bóledi jáne Holding jumysynan tiimdi nátije kútedi», — dedi Smaiylov.
Qanat Sharlapaev 1981 jyly Saratov oblysynda dúniege kelgen.
Saratov áleýmettik-ekonomikalyq ýniversitetin (RF), Cranfield School of Management (Ulybritaniia) bitirgen.
Eńbek jolyn 2003 jyly bank sektorynda bastady.
2006-2008 jyldary «Siti» investbankiniń (Ulybritaniia, Chehiia) óńirlik keńsesiniń qarjy departamentinde, jobalardy basqarý departamentinde, operatsiialyq-tehnologiialyq departamentinde, satý basqarmasynda jumys istedi.
2008-2014 jyldary — «Siti» investbankinde (London, Ulybritaniia) aǵa taldaýshy, vitse-prezident kómekshisi, aktsiialar naryǵyndaǵy jumys jónindegi óńirlik divizionnyń vitse-prezidenti.
2014-2015 jyldary — «Siti» investbankiniń Eýropa, Taiaý Shyǵys jáne Afrika boiynsha strategiialyq josparlaý jáne taldaý óńirlik tobynyń vitse-prezidenti (London, Ulybritaniia).
2015-2017 jyldary — «Sitibank Qazaqstannyń» bas qarjy direktory, basqarma tóraǵasynyń orynbasary, aǵa vitse-prezidenti.
2017-2020 jyldary — Resei Sitibankinde Resei, Ýkraina jáne Qazaqstan boiynsha bas qarjy direktory, aǵa vitse-prezidenti.
2020 jyldan bastap qazirgi ýaqytqa deiin «Siti» investbankiniń (BAÁ) Afrika, Taiaý Shyǵys jáne Shyǵys Eýropanyń damýshy naryqtaryndaǵy strategiia, josparlaý jáne taldaý jónindegi óńirlik direktory qyzmetin atqardy.
