«Báiterek» holdinginen 197 mln teńgeniń jymqyrylýyna bailanysty qylmystyq is qozǵaldy. Bul týraly Sybailas jemqorlyqqa qarsy is-qimyl agenttiginiń 1-shi departamentiniń aǵa tergeýshisi Daniiar Bekaidarov málim etti, dep habarlaidy "Ult aqparat".
«Nur-Sultan qalasy boiynsha sybailas jemqorlyqqa qarsy qyzmet «Báiterek» UBH» AQ laýazymdy tulǵalary men ózge de adamdarǵa qatysty tergeý amaldaryn bastady. Is «Ulttyq tehnologiialyq damý agenttigi» AQ enshiles uiymynyń biznes-modelin túrlendirý boiynsha konsýltatsiialyq qyzmetke arnalǵan memlekettik satyp alýǵa bólingen 197 mln teńgelik biýdjet qarajatynyń jymqyrylýyna bailanysty qozǵalyp otyr», - dedi Daniiar Bekaidarov agenttikte ótken baspasóz máslihatynda.
Qazirgi ýaqytta atalmysh is boiynsha sotqa deiingi tergeý amaldary júrgizilýde.
