«بەيتەرەك» حولدينگٸنەن 197 ملن تەڭگەنٸڭ جىمقىرىلۋىنا بايلانىستى قىلمىستىق ٸس قوزعالدى. بۇل تۋرالى سىبايلاس جەمقورلىققا قارسى ٸس-قيمىل اگەنتتٸگٸنٸڭ 1-شٸ دەپارتامەنتٸنٸڭ اعا تەرگەۋشٸسٸ دانييار بەكايداروۆ مەلٸم ەتتٸ, دەپ حابارلايدى "ۇلت اقپارات".
«نۇر-سۇلتان قالاسى بويىنشا سىبايلاس جەمقورلىققا قارسى قىزمەت «بەيتەرەك» ۇبح» اق لاۋازىمدى تۇلعالارى مەن ٶزگە دە ادامدارعا قاتىستى تەرگەۋ امالدارىن باستادى. ٸس «ۇلتتىق تەحنولوگييالىق دامۋ اگەنتتٸگٸ» اق ەنشٸلەس ۇيىمىنىڭ بيزنەس-مودەلٸن تٷرلەندٸرۋ بويىنشا كونسۋلتاتسييالىق قىزمەتكە ارنالعان مەملەكەتتٸك ساتىپ الۋعا بٶلٸنگەن 197 ملن تەڭگەلٸك بيۋدجەت قاراجاتىنىڭ جىمقىرىلۋىنا بايلانىستى قوزعالىپ وتىر», - دەدٸ دانييار بەكايداروۆ اگەنتتٸكتە ٶتكەن باسپاسٶز مەسليحاتىندا.
قازٸرگٸ ۋاقىتتا اتالمىش ٸس بويىنشا سوتقا دەيٸنگٸ تەرگەۋ امالدارى جٷرگٸزٸلۋدە.
