Esep komiteti 2020 jyldyń naýryzynda respýblikalyq biýdjet qarajatyn jáne "Báiterek" ulttyq basqarýshy holdingi" AQ-nyń kvazimemlekettik sektor aktivterin paidalaný tiimdiligine memlekettik aýdit júrgizdi, dep habarlady Sputnik Qazaqstan esep komitetiniń baspasóz qyzmetine silteme jasap.
"Osy aýdit barysynda jalpy somasy 98 961,2 million teńgege biýdjet qarajatyn jáne memleket aktivterin tiimsiz paidalaný túrindegi buzýshylyqtar men kemshilikter anyqtaldy. Sondai-aq, kvazimemlekettik sektordyń jekelegen sýbektilerimen salystyrǵanda holdingtiń enshiles uiymdarynyń fýnktsiialary men mindetteriniń qaitalanýy anyqtaldy", - delingen baspasóz qyzmeti taratqan aqparatta.
Osyǵan bailanysty Qazaqstan úkimetine holding qyzmetiniń tiimdiligin arttyrý, bólinetin biýdjet qarajatyn jáne Qazaqstan Ulttyq qory qarajatyn paidalanýdy baqylaý, olardy paidalaný boiynsha sharalardy ázirleý jáne júzege asyrý, memlekettik menshik quqyǵyn qorǵaýdy qamtamasyz etý boiynsha sharalardy qabyldaý usynyldy.
Esep komitetiniń habarlaýynsha, holdingtiń enshiles uiymdarynyń sanyn qysqartý maqsatynda "QazTech Ventures" AQ jáne "Kazakhstan Project Preparation Fund" JShS aktivteri jeke qorlar retinde "Qazyna kapital menedjment" AQ-ǵa basqarýǵa berildi.
"Memlekettik múlik tizimi" saity arqyly baǵany kóterý tásilimen ótkizilgen elektrondyq saýda qorytyndysy boiynsha "Qazaqstan investitsiia qory" AQ aktsiialarynyń 100%-in jeke investor satyp aldy.
