QR Parlamentiniń Senatynda Resei Federatsiiasymen birlesip «Báiterek» ǵarysh zymyran keshenin qurý boiynsha kelisimge túzetýler engizý máselesi qaraldy, dep habarlaidy "Ult aqparat".
«Senattyń Halyqaralyq qatynastar, qorǵanys jáne qaýipsizdik komitetiniń keńeitilgen otyrysynda «2004 jylǵy 22 jeltoqsandaǵy Qazaqstan Respýblikasynyń Úkimeti men Resei Federatsiiasynyń Úkimeti arasyndaǵy «Baiqońyr» ǵarysh ailaǵynda «Báiterek» ǵarysh zymyran keshenin qurý týraly kelisimge ózgerister men tolyqtyrýlar engizý týraly hattamany ratifikatsiialaý týraly» Qazaqstan Respýblikasy Zańynyń jobasy qaraldy. Zań jobasy joǵaryda atalǵan Kelisimge «Báiterek» ǵarysh zymyran kesheninen ǵarysh apparattaryn ushyrýdy júzege asyrý úshin keshendi qurý men birlesip paidalaný jáne Qazaqstan men Resei taraptary arasynda jobany iske asyrýdy qarjylandyrýdy bólý kezinde negizgi sharttardy ózektendirý bóliginde túzetýler engizý týraly Hattamany ratifikatsiialaýdy kózdeidi», - dedi palatanyń baspasóz qyzmetinen.
Osyǵan bailanysty Hattamamen: jobada tasymaldaǵysh zymyrandy («Angara» tasymaldaǵysh zymyranyn perspektivaly reseilik orta klasty tasymaldaǵysh zymyranǵa), sondai-aq «Baiqońyr» ǵarysh ailaǵynyń jaldaýynan shyǵarylatyn «Zenit-M» ǵarysh zymyran kesheniniń bazasyndaǵy qurylys ornyn aýystyrý kózdeledi; Taraptar arasynda ǵarysh zymyran kesheniniń quramdas bólikterin qarjylandyrýdy bólý kózdeledi, oǵan sáikes Resei tarapy tasymaldaǵysh zymyrandy qurýdy jáne onyń quramdas bólikterin tasymaldaý quraldaryn, ekpindetkish bloktyń, ǵarysh apparatynyń jáne ǵaryshtyq basty bóliktiń tehnikalyq keshenin jańǵyrtýdy qarjylandyrýdy qamtamasyz etedi, al Qazaqstan tarapy «Zenit-M» ǵarysh zymyran kesheniniń qolda bar jerústi infraqurylymyn rekonstrýktsiialaýdy jáne jańǵyrtýdy, starttyq jáne tehnikalyq keshenderdi paidalaný boiynsha personaldy daiyndaýdyń oqý-jattyǵý quraldaryn qurýdy qarjylandyrýdy qamtamasyz etedi; buǵan deiin joǵaryda atalǵan Kelisimde aiqyndalmaǵan, orta klasty tasymaldaǵysh zymyranmen «Báiterek» ǵarysh zymyran kesheninde ushý synaqtarynyń bastalý merzimin 2020 jyly bastaý jáne taǵy basqalar kózdelgen.
Halyqaralyq qatynastar, qorǵanys jáne qaýipsizdik komitetiniń múshesi Talǵat Musabaev óz baiandamasynda «Báiterek» ǵarysh zymyran keshenin qurý Qazaqstanǵa jerústi ǵarysh infraqurylymnyń menshikti obektilerin paidalana otyryp, ushyrý qyzmetin júzege asyratyn memleket bolýǵa, keshendi qurý jáne paidalaný kezinde jańa jumys oryndaryn ashý siiaqty áleýmettik oń áserlerge qol jetkizýge múmkindik beretinin atap ótti.
«Baiqońyr» ǵarysh ailaǵy obektileri bazasynda ǵarysh qyzmeti salasynda bilikti kadrlardy daiarlaityn óz ortalyǵyn qurý múmkindigi paida bolady», - dedi senator.
Qujat palata qaraýyna berildi.
