Biyl ýchaskelik inspektorlar arasynda syibailas jemqorlyq deńgeii tómendedi. Bul týraly QR IIM Ákimshilik politsiia komitetiniń tóraǵasy Murat Baimuqashev aitty, dep habarlaidy QazAqparat.
Ortalyq kommýnikatsiialar qyzmetindegi baspasóz qyzmetinde ýchaskelik inspektorlar arasynda syibailas jemqorlyq deńgeii politsiianyń basqap qyzmetterimen salystyrǵanda qanshalyq joǵary ekeni suraldy.
«Ishki ister ministrligi sybailas jemqorlyqpen kúres máselesin qatań baqylaýynda ustap otyr. Qazir qyzmetkerlerge ailyqtaryn kóterip, turǵyn úimen qamtamasyz etý qadamdaryn qolǵa aldyq. Bul másele de jemqorlyqty joiýǵa kóp áser etetin faktorlardyń biri. Al ýchaskelik inspektorlar arasyndaǵy naqty jaǵdaiǵa keletin bolsaq, ótken jyldary ýchaskelik politsiia qyzmetkerleri jasaǵan sybailas jemqorlyq jalpy qylmys sanynyń 8-10 paiyzy bolsa, biyl 4 paiyzdy qurady. Jyl basynan ýchaskelik politsiia inspektory jasaǵan 3 fakt tirkeldi», - dedi Murat Baimuqashev.
