بيىل ۋچاسكەلٸك ينسپەكتورلار اراسىندا سىيبايلاس جەمقورلىق دەڭگەيٸ تٶمەندەدٸ. بۇل تۋرالى قر ٸٸم ەكٸمشٸلٸك پوليتسييا كوميتەتٸنٸڭ تٶراعاسى مۇرات بايمۇقاشەۆ ايتتى, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندەگٸ باسپاسٶز قىزمەتٸندە ۋچاسكەلٸك ينسپەكتورلار اراسىندا سىيبايلاس جەمقورلىق دەڭگەيٸ پوليتسييانىڭ باسقاپ قىزمەتتەرٸمەن سالىستىرعاندا قانشالىق جوعارى ەكەنٸ سۇرالدى.
«ٸشكٸ ٸستەر مينيسترلٸگٸ سىبايلاس جەمقورلىقپەن كٷرەس مەسەلەسٸن قاتاڭ باقىلاۋىندا ۇستاپ وتىر. قازٸر قىزمەتكەرلەرگە ايلىقتارىن كٶتەرٸپ, تۇرعىن ٷيمەن قامتاماسىز ەتۋ قادامدارىن قولعا الدىق. بۇل مەسەلە دە جەمقورلىقتى جويۋعا كٶپ ەسەر ەتەتٸن فاكتورلاردىڭ بٸرٸ. ال ۋچاسكەلٸك ينسپەكتورلار اراسىنداعى ناقتى جاعدايعا كەلەتٸن بولساق, ٶتكەن جىلدارى ۋچاسكەلٸك پوليتسييا قىزمەتكەرلەرٸ جاساعان سىبايلاس جەمقورلىق جالپى قىلمىس سانىنىڭ 8-10 پايىزى بولسا, بيىل 4 پايىزدى قۇرادى. جىل باسىنان ۋچاسكەلٸك پوليتسييا ينسپەكتورى جاساعان 3 فاكت تٸركەلدٸ», - دەدٸ مۇرات بايمۇقاشەۆ.
