2018 jylǵy 11 qazan kúni 14 saǵat 40 minýt 15 sekýndta Baiqońyr ǵarysh ailaǵynyń Gagarin start alańynan orbitaǵa basqarylatyn kóliktik «Soiýz MS-10» kemesin alyp shyǵýy tiis «Soiýz FG» zymyran tasyǵyshy ushyryldy, dep habarlaidy QazAqparat tilshisi.
Biraq start berilgen soń birneshe minýttan keiin Roskosmos saityndaǵy tikelei kórsetilim úzilip, diktor «zymyran tasyǵyshtyń apatqa ushyraǵanyn» habarlady.
«Soiýz MS-10» kemesiniń bortynda Roskosmos ǵaryshkeri Aleksei Ovchinin men NASA ǵaryshkeri Nik Heig bar.
Resei ǵarysh salasy ókilderiniń aitýynsha, ekipaj aman, apattyq túrde shamamen Qazaqstan aýmaǵyna qonady.
Qazǵarysh qyzmetkerleriniń «QazAqparat» halyqaralyq aqparat agenttigine málimdeýinshe, Baiqońyrda apattyq jaǵdai jónindegi komissiianyń otyrysy ótip jatyr. Onyń qorytyndylary keiinirek belgi bolady.
