Baiqońyr ǵarysh ailaǵynda «Soiýz-2.1a» zymyran-tasyǵyshy «Progress MS-13» júk kemesimen birge ushý keshenine qoiyldy, dep habarlaidy "Ult aqparat".
«Qazirgi tańda zymyran-tasyǵysh kememen birge Baiqońyr ǵarysh ailaǵyndaǵy № 31 ushý keshenine qoiyldy. Reseilik zymyran-ǵarysh salasynyń kásiporyn mamandary birinshi ushý kúniniń kestesi boiynsha óz jumystaryna kiristi. Búgin júk kemesiniń júieleri men agregattaryna, zymyran-tasyǵysh pen ushý keshenine avtonomdyq synaq júrip jatyr», - dep habarlady Roskosmos baspasóz qyzmetinen.
«Progress MS-13» júk kemesi «Soiýz-2.1a» zymyran-tasyǵyshymen birge 2019 jyldyń 6 jeltoqsanynda Nur-Sultan ýaqytymen 15 saǵat 34 minýtta ushyrylady dep josparlanýda.
Budan buryn habarlanǵandai, ǵarysh kemesi 1 jeltoqsanda kókke kóterilýi tiis edi, adaida ol kemeniń qosymsha tekserý jumystaryna bailanysty keiinge qaldyryldy.
Ǵaryshtyq júk kemesi Halyqaralyq ǵarysh stansasyna otyn, ottegi, ǵylymi tájiribelerge arnalǵan qural-jabdyqtar, meditsinalyq zattar, tamaq pen sý, ekipajǵa habarlama jetkizýi kerek.
