بايقوڭىر عارىش ايلاعىندا «سويۋز-2.1ا» زىمىران-تاسىعىشى «پروگرەسس مس-13» جٷك كەمەسٸمەن بٸرگە ۇشۋ كەشەنٸنە قويىلدى, دەپ حابارلايدى "ۇلت اقپارات".
«قازٸرگٸ تاڭدا زىمىران-تاسىعىش كەمەمەن بٸرگە بايقوڭىر عارىش ايلاعىنداعى № 31 ۇشۋ كەشەنٸنە قويىلدى. رەسەيلٸك زىمىران-عارىش سالاسىنىڭ كەسٸپورىن ماماندارى بٸرٸنشٸ ۇشۋ كٷنٸنٸڭ كەستەسٸ بويىنشا ٶز جۇمىستارىنا كٸرٸستٸ. بٷگٸن جٷك كەمەسٸنٸڭ جٷيەلەرٸ مەن اگرەگاتتارىنا, زىمىران-تاسىعىش پەن ۇشۋ كەشەنٸنە اۆتونومدىق سىناق جٷرٸپ جاتىر», - دەپ حابارلادى روسكوسموس باسپاسٶز قىزمەتٸنەن.
«پروگرەسس مس-13» جٷك كەمەسٸ «سويۋز-2.1ا» زىمىران-تاسىعىشىمەن بٸرگە 2019 جىلدىڭ 6 جەلتوقسانىندا نۇر-سۇلتان ۋاقىتىمەن 15 ساعات 34 مينۋتتا ۇشىرىلادى دەپ جوسپارلانۋدا.
بۇدان بۇرىن حابارلانعانداي, عارىش كەمەسٸ 1 جەلتوقساندا كٶككە كٶتەرٸلۋٸ تيٸس ەدٸ, ادايدا ول كەمەنٸڭ قوسىمشا تەكسەرۋ جۇمىستارىنا بايلانىستى كەيٸنگە قالدىرىلدى.
عارىشتىق جٷك كەمەسٸ حالىقارالىق عارىش ستانساسىنا وتىن, وتتەگٸ, عىلىمي تەجٸريبەلەرگە ارنالعان قۇرال-جابدىقتار, مەديتسينالىق زاتتار, تاماق پەن سۋ, ەكيپاجعا حابارلاما جەتكٸزۋٸ كەرەك.
