Baiqońyr qalasy ákimshiligi basshysynyń qaýlysymen qala aýmaǵynda koronavirýs infektsiiasynyń aldyn alý jáne taralýyna jol bermeý boiynsha shekteý sharalary 15 aqpanǵa deiin uzartyldy, dep habarlaidy "Ult aqparat".
Buǵan deiin habarlanǵandai, Baiqońyrda karantin 2021 jylǵy 18 qańtarǵa deiin belgilengen, infektsiia juqtyrýǵa syrttan kelgen oqiǵalar sebep boldy.
Resei Federaldyq meditsinalyq-biologiialyq agenttigi «Baiqońyr» kesheni aimaqtyq basqarmasynyń taratqan málimetine sáikes, jańa jyl merekesindegi demalys kúnderi, iaǵni 2020 jyldyń 26 jeltoqsany men 2021 jyldyń 15 qańtary aralyǵynda koronavirýsty 38 qala turǵyny juqtyryp alǵan. Tirkelgen oqiǵalardyń jalpy sany 1 124 adamnan 1 162 adamǵa deiin ósti. Búginde infektsiialyq statsionarda 7 adam jatyr. Sońǵy úsh aptanyń ishinde adam ólimi tirkelgen joq, pandemiia bastalǵaly koronavirýstan Baiqońyrdyń 70 turǵyny qaitys boldy.
Baiqońyrda shekteý sharalary saqtalyp keledi. Jedel shtab qala turǵyndaryn ǵimarattardyń ishinde maska taǵý rejimin, áleýmettik qashyqtyq, sanitarlyq erejeler men jeke gigienany saqtaýyn suraidy.
