Qyzylorda oblysy Baiqońyr qalasynda «Vkontakte» áleýmettik jelisinde dini alaýyzdyqty qozdyrýǵa baǵyttalǵan ýaǵyzdardy taratqan azamat sottaldy.
Joǵarǵy sottyń baspasóz qyzmetinen habarlaǵandai, Baiqońyr qalalyq sotynda QR Qylmystyq Kodeksiniń 174-babynyń 1-bóligi boiynsha (Áleýmettik, ulttyq, rýlyq, násildik, tektik-toptyq nemese dini alaýyzdyqty qozdyrý) qylmystyq is qaralǵan.
«Anyqtalǵandai, sottalýshy uialy telefony arqyly «Vkontakte» áleýmettik jelisinde paraqsha ashqan. Sol paraqshaǵa Abdýsalliam-Al ýalia ýal baro, Nazratýllah abý Mariam jáne Oktam Zaýrbekov atty avtorlardyń dini alaýyzdyqty qozdyrýǵa baǵyttalǵan áreketteri bar dini ýaǵyzdardy saqtap, olardy 2018 jyldyń mamyr aiynda áleýmettik jeli paidalanýshylaryna taratqan», - dep habarlady Joǵarǵy sottyń baspasóz qyzmetinen.
Sot úkimimen Baiqońyr turǵyny Qazaqstan Respýblikasy Qylmystyq kodeksiniń 174-babynyń 1-bóligimen kináli dep tanylyp, 3 jylǵa bas bostandyǵy shekteldi.
