15 aqpanda Nur-Sultan ýaqytymen saǵat 10:45-te «Progress MS-16» kóliktik basqarylatyn júk kemesi bar «Soiýz-2.1a» zymyrantasyǵyshy ushyryldy, dep habarlaidy "Ult aqparat".
Zymyran ornatylǵan Baiqońyr ǵarysh ailaǵynyń 31-shi alańynda tikelei efir startqa 50 minýt qalǵanda bastaldy.
Osy ýaqyt boiy Roskosmos telestýdiiasy kóliktik kemeniń daiarlyǵy týraly beinesiýjetter, ǵaryshkerler jáne ǵarysh salasynyń mamandarymen júrgizilgen suhbattardy kórsetti.
Ushyrý shtattyq rejimde ótti, tikelei reportaj júrgizýshileri zymyran-tasyǵysh ornatylǵan satylardyń shtattyq bólimi týraly habarlady.
Starttyń onynshy minýtynda «Progress MS-16» kóliktik ǵarysh kemesi Jer seriginiń orbitasyna shyǵaryldy.
Buǵan deiin habarlanǵandai, 12 aqpanda «Soiýz-2.1a» zymyran-tasyǵyshy Baiqońyr ǵarysh ailaǵynyń starttyq keshenine shyǵarylyp, ornatyldy.
Búgin tańerteń startqa daiarlyq qorytyndylary jónindegi memlekettik komissiia «Soiýz-2.1a» zymyrantasyǵyshyn otyn quiyp, ushyrý sheshimin qabyldady.
Bul start arqyly Roskosmos Baiqońyr ǵarysh ailaǵynan 2021 jylǵy ushyrý baǵdarlamasyn bastady.
«Progress MS-16» zymyrantasyǵyshynyń Halyqaralyq ǵarysh stansasyna ushyrylýy eki táýliktik keste boiynsha ótedi.
