15 اقپاندا نۇر-سۇلتان ۋاقىتىمەن ساعات 10:45-تە «پروگرەسس مس-16» كٶلٸكتٸك باسقارىلاتىن جٷك كەمەسٸ بار «سويۋز-2.1ا» زىمىرانتاسىعىشى ۇشىرىلدى, دەپ حابارلايدى "ۇلت اقپارات".
زىمىران ورناتىلعان بايقوڭىر عارىش ايلاعىنىڭ 31-شٸ الاڭىندا تٸكەلەي ەفير ستارتقا 50 مينۋت قالعاندا باستالدى.
وسى ۋاقىت بويى روسكوسموس تەلەستۋديياسى كٶلٸكتٸك كەمەنٸڭ دايارلىعى تۋرالى بەينەسيۋجەتتەر, عارىشكەرلەر جەنە عارىش سالاسىنىڭ ماماندارىمەن جٷرگٸزٸلگەن سۇحباتتاردى كٶرسەتتٸ.
ۇشىرۋ شتاتتىق رەجيمدە ٶتتٸ, تٸكەلەي رەپورتاج جٷرگٸزۋشٸلەرٸ زىمىران-تاسىعىش ورناتىلعان ساتىلاردىڭ شتاتتىق بٶلٸمٸ تۋرالى حابارلادى.
ستارتتىڭ ونىنشى مينۋتىندا «پروگرەسس مس-16» كٶلٸكتٸك عارىش كەمەسٸ جەر سەرٸگٸنٸڭ وربيتاسىنا شىعارىلدى.
بۇعان دەيٸن حابارلانعانداي, 12 اقپاندا «سويۋز-2.1ا» زىمىران-تاسىعىشى بايقوڭىر عارىش ايلاعىنىڭ ستارتتىق كەشەنٸنە شىعارىلىپ, ورناتىلدى.
بٷگٸن تاڭەرتەڭ ستارتقا دايارلىق قورىتىندىلارى جٶنٸندەگٸ مەملەكەتتٸك كوميسسييا «سويۋز-2.1ا» زىمىرانتاسىعىشىن وتىن قۇيىپ, ۇشىرۋ شەشٸمٸن قابىلدادى.
بۇل ستارت ارقىلى روسكوسموس بايقوڭىر عارىش ايلاعىنان 2021 جىلعى ۇشىرۋ باعدارلاماسىن باستادى.
«پروگرەسس مس-16» زىمىرانتاسىعىشىنىڭ حالىقارالىق عارىش ستانساسىنا ۇشىرىلۋى ەكٸ تەۋلٸكتٸك كەستە بويىنشا ٶتەدٸ.
