Túrkistan oblysy, Báidibek aýdanynda pandemiiamen kúresti kúsheitý úshin ortalyq aýrýhanada 82 provizorlyq oryn men 50 infektsiialyq gospital daiyndalǵan. Qazirgi tańda kelip túsken naýqastardyń 80 paiyzy jazylyp shyqqan, dep habarlaidy "Ult aqparat".
Emdeý mekemesinde em qabyldap saýyǵyp shyqqandardyń biri Kárimjan Saidov dárigerlerge alǵys aitty. 86 jastaǵy qariia aýrýhanaǵa 81 jastaǵy jubaiymen birge túsken edi. Olarǵa COVID-19 jáne ókpeniń eki jaqty tómengi qabynýy diagnozy qoiylyp, dárigerlerdiń qatań baqylaýynda bolǵan. Erli-zaiypty naýqastarǵa tiisti emdik sharalar qoldanyp, 14 kúndik emnen keiin aýrýlarynan aiyqqan. Qazirgi tańda zeinetkerler úilerine shyǵarylǵan.
Aita keteiik, Báidibek aýdany ortalyq aýrýhanasyna tek jergilikti turǵyndar ǵana emes, kórshi aýdandardan kelgen naýqastar da emdelýde. Olardyń ishinde Kentaý, Ordabasy, Sozaq, Túlkibas aýdandarynyń turǵyndary bar.
