AQSh prezidenti Djo Baiden aldyn ala aqparat Polshaǵa qulaǵan zymyran Reseiden atyldy degen boljamdy joqqa shyǵaratynyn málimdedi, - dep habarlaidy Tengrinews.kz agenttigi DW basylymyna silteme jasap.
Polshada eki adamnyń ómirin qiǵan jarylystan keiin Baiden NATO jáne G7 basshylarymen shuǵyl kelissóz júrgizgeni atap ótildi. Kelissózderden keiin AQSh prezidenti Polshadaǵy tergeýdi qoldaý týraly kelisimge qoljetkizgenin aitty.
"Men ne bolǵanyn naqty anyqtaitynymyzǵa kóz jetkizgim keledi", - dedi ol.
Zymyran Reseiden atylýy múmkin be degen suraqqa Baiden muny joqqa shyǵaratyn aldyn ala aqparat bar dep jaýap berdi.
"Aldyn ala málimet boiynsha, bul teriske shyǵaryldy. Tergeý tolyq aiaqtalǵansha bul týraly aitqym kelmeidi, degenmen traektoriia boiynsha onyń Reseiden ushyrylýy ekitalai. Biraq kóremiz", - dep jaýap berdi Baiden.
Eske salaiyq, buǵan deiin Polshanyń Ýkrainamen shekaradaǵy Pshevodov qalasynda astyq keptirgishke eki zymyran qulaǵany habarlanǵan edi. Eki adam qaza boldy.
AQSh barlaý ókili zymyrandar reseilik bolýy múmkin ekenin aitqan bolatyn.
