19 aqpan kúni "Úlken jetiliktiń" virtýaldy sammitinde AQSh prezidenti Djo Baiden kedei elderdegi vaktsinalaý baǵdarlamasyna 4 milliard teńge bóletinin málimdemek. Bul týraly Aq úi habarlady.
AQSh koronavirýs vaktsinasyn álem elderine ádiletti úlestirýdi kózdeitin SOVAX halyqaralyq baǵdarlamasyna eki milliard dollar bólmek deidi Aq úide jumys isteitin sheneýnikterdiń biri. Qalǵan elder óz mindetterin oryndasa, eki jyl ishinde taǵy eki milliard dollar bóledi dedi ol.
COVAX – elderdegi turmysy tómen halyqtyń kemi 20 paiyzyn vaktsinamen qamtamasyz etýdi kózdeitin ǵalamdyq joba. Baǵdarlama kedei elderge vaktsinatsiialaý isinde kómektesý úshin qurylǵan.
"Úlken jetilikke" AQSh, Germaniia, Japoniia, Ulybritaniia, Frantsiia, Kanada jáne Italiia kiredi.
19 aqpan kúni kedeilikpen kúresetin One Campaign uiymy bai elderdiń ózderine kerek mólsherden bir milliard dozaǵa artyq Covid vaktsinasyn alatynyn aityp, óz esebin jariialady. One Campaign vaktsina kedei elderge qaldyq qaǵidasy boiynsha berilmek deidi. Uiymnyń pikirinshe, AQSh pen Ulybritaniia sekildi baqýatty elder ózderine qajet mólsherden artyq vaktsinasyn basqalarǵa úlestirip berip, pandemiiaǵa qarsy ǵalamdyq is-qimyldy kúsheitýi kerek.
AQSh-tyń bas infektsionisi Entoni Faýchi AQSh-tyń pandemiiaǵa deiingi "qalypty ómirge" jyl sońynda oralatynyn aitty. Sóite tura ol jańa shtamdardyń paida bolýy sekildi AQSh-taǵy indet ahýalyna áser etýi múmkin birqatar faktordy atady.
