19 اقپان كٷنٸ "ٷلكەن جەتٸلٸكتٸڭ" ۆيرتۋالدى سامميتٸندە اقش پرەزيدەنتٸ دجو بايدەن كەدەي ەلدەردەگٸ ۆاكتسينالاۋ باعدارلاماسىنا 4 ميلليارد تەڭگە بٶلەتٸنٸن مەلٸمدەمەك. بۇل تۋرالى اق ٷي حابارلادى.
اقش كوروناۆيرۋس ۆاكتسيناسىن ەلەم ەلدەرٸنە ەدٸلەتتٸ ٷلەستٸرۋدٸ كٶزدەيتٸن سOVAX حالىقارالىق باعدارلاماسىنا ەكٸ ميلليارد دوللار بٶلمەك دەيدٸ اق ٷيدە جۇمىس ٸستەيتٸن شەنەۋنٸكتەردٸڭ بٸرٸ. قالعان ەلدەر ٶز مٸندەتتەرٸن ورىنداسا, ەكٸ جىل ٸشٸندە تاعى ەكٸ ميلليارد دوللار بٶلەدٸ دەدٸ ول.
COVAX – ەلدەردەگٸ تۇرمىسى تٶمەن حالىقتىڭ كەمٸ 20 پايىزىن ۆاكتسينامەن قامتاماسىز ەتۋدٸ كٶزدەيتٸن عالامدىق جوبا. باعدارلاما كەدەي ەلدەرگە ۆاكتسيناتسييالاۋ ٸسٸندە كٶمەكتەسۋ ٷشٸن قۇرىلعان.
"ٷلكەن جەتٸلٸككە" اقش, گەرمانييا, جاپونييا, ۇلىبريتانييا, فرانتسييا, كانادا جەنە يتالييا كٸرەدٸ.
19 اقپان كٷنٸ كەدەيلٸكپەن كٷرەسەتٸن One Campaign ۇيىمى باي ەلدەردٸڭ ٶزدەرٸنە كەرەك مٶلشەردەن بٸر ميلليارد دوزاعا ارتىق Covid ۆاكتسيناسىن الاتىنىن ايتىپ, ٶز ەسەبٸن جارييالادى. One Campaign ۆاكتسينا كەدەي ەلدەرگە قالدىق قاعيداسى بويىنشا بەرٸلمەك دەيدٸ. ۇيىمنىڭ پٸكٸرٸنشە, اقش پەن ۇلىبريتانييا سەكٸلدٸ باقۋاتتى ەلدەر ٶزدەرٸنە قاجەت مٶلشەردەن ارتىق ۆاكتسيناسىن باسقالارعا ٷلەستٸرٸپ بەرٸپ, پاندەميياعا قارسى عالامدىق ٸس-قيمىلدى كٷشەيتۋٸ كەرەك.
اقش-تىڭ باس ينفەكتسيونيسٸ ەنتوني فاۋچي اقش-تىڭ پاندەميياعا دەيٸنگٸ "قالىپتى ٶمٸرگە" جىل سوڭىندا ورالاتىنىن ايتتى. سٶيتە تۇرا ول جاڭا شتامداردىڭ پايدا بولۋى سەكٸلدٸ اقش-تاعى ٸندەت احۋالىنا ەسەر ەتۋٸ مٷمكٸن بٸرقاتار فاكتوردى اتادى.
