20 qańtarde ótetin Djo Baiden inaýgýratsiiasy qarsańynda AQSh-tyń birneshe shtatynda prezident Donald Trampty jaqtaityn demonstranttar jergilikti úkimet ǵimarattarynyń mańyna jinala bastady. Keibiriniń qolynda qarý bar.
17 qańtarda Michigan, Ogaio, Ońtústik Karolina, Pensilvaniia jáne Vashingtondaǵy úkimet úiiniń aldyna shaǵyn top barǵan. Biraq olar ózderin beibit ustaǵan. Bilik Baiden inaýgýratsiiasy aldynda 6 qańtar kúngi tártipsizdik qaitalana ma dep qaýiptenedi. Túrli aimaqta qaýipsizdikti qamtamasyz etý úshin myńdaǵan ulttyq gvardiia jasaqtary ákelingen.
6 qańtar kúni prezident sailaýy nátijesin bekitý maqsatymen Kongrestiń qos palatasy ortaq otyrys ótkizýi qajet bolǵan. Sol kúni AQSh-tyń qazirgi prezidenti Donald Tramp Aq úi janynda jaqtastarymen miting ótkizip, sailaý nátijesin moiyndamaitynyn málimdegen. Osydan keiin mitingshiler Kongress otyrysy bastalǵan Kapitoliige jol tartyp, ǵimaratty basyp alǵan. Oqiǵa saldarynan bes adamnyń qaitys bolǵany habarlandy.
