AQSh-tyń jańadan sailanǵan prezidenti Djo Baiden memlekettik hatshynyń burynǵy orynbasary, AQSh-tyń Reseidegi burynǵy elshisi Ýiliam Bernsti ortalyq barlaý qyzmetiniń (TsRÝ) basshysy etip taǵaiyndaidy.
Ýiliam Berns 30 jyldan astam ýaqyt diplomatiia salasynda joǵary laýazymdy túrli qyzmet atqarǵan. Barak Obama tusynda memlekettik hatshynyń orynbasary boldy. 2005-2008 jyldary respýblikashyl Djordj Býsh ákimshiligi kezinde AQSh-tyń Reseidegi elshisi atandy. Berns oǵan deiin de 90-jyldary Máskeýdegi Amerika elshiliginde istegen.
2015 jyly otstavkaǵa ketkennen keiin yqpaldy úkimettik emes uiym - Karnegi qoryn basqardy.
Ýiliam Berns Resei men Taiaý Shyǵys elderi boiynsha da sarapshy. Orys tilinde sóileidi. Jaqynda Reseide onyń "Jasyryn kúshter. Amerika diplomatiiasynyń qyr-syry" atty memýary jaryq kórdi. Kitaptaǵy birneshe bólim Resei men Resei-AQSh qarym-qatynasyna arnalǵan. Bernstiń áriptesteri kitapqa joǵary baǵa berdi.
Bern sonymen birge Resei týraly birqatar saraptama sipatyndaǵy maqalalar avtory. Onyń 2006 jylǵy Ramzan Qadyrovty synaǵan "Sheshen jazbalary" atty eńbegi WikiLeaks-tiń arqasynda kópke tanyldy.
