اقش-تىڭ جاڭادان سايلانعان پرەزيدەنتٸ دجو بايدەن مەملەكەتتٸك حاتشىنىڭ بۇرىنعى ورىنباسارى, اقش-تىڭ رەسەيدەگٸ بۇرىنعى ەلشٸسٸ ۋيليام بەرنستٸ ورتالىق بارلاۋ قىزمەتٸنٸڭ (تسرۋ) باسشىسى ەتٸپ تاعايىندايدى.
ۋيليام بەرنس 30 جىلدان استام ۋاقىت ديپلوماتييا سالاسىندا جوعارى لاۋازىمدى تٷرلٸ قىزمەت اتقارعان. باراك وباما تۇسىندا مەملەكەتتٸك حاتشىنىڭ ورىنباسارى بولدى. 2005-2008 جىلدارى رەسپۋبليكاشىل دجوردج بۋش ەكٸمشٸلٸگٸ كەزٸندە اقش-تىڭ رەسەيدەگٸ ەلشٸسٸ اتاندى. بەرنس وعان دەيٸن دە 90-جىلدارى مەسكەۋدەگٸ امەريكا ەلشٸلٸگٸندە ٸستەگەن.
2015 جىلى وتستاۆكاعا كەتكەننەن كەيٸن ىقپالدى ٷكٸمەتتٸك ەمەس ۇيىم - كارنەگي قورىن باسقاردى.
ۋيليام بەرنس رەسەي مەن تاياۋ شىعىس ەلدەرٸ بويىنشا دا ساراپشى. ورىس تٸلٸندە سٶيلەيدٸ. جاقىندا رەسەيدە ونىڭ "جاسىرىن كٷشتەر. امەريكا ديپلوماتيياسىنىڭ قىر-سىرى" اتتى مەمۋارى جارىق كٶردٸ. كٸتاپتاعى بٸرنەشە بٶلٸم رەسەي مەن رەسەي-اقش قارىم-قاتىناسىنا ارنالعان. بەرنستٸڭ ەرٸپتەستەرٸ كٸتاپقا جوعارى باعا بەردٸ.
بەرن سونىمەن بٸرگە رەسەي تۋرالى بٸرقاتار ساراپتاما سيپاتىنداعى ماقالالار اۆتورى. ونىڭ 2006 جىلعى رامزان قادىروۆتى سىناعان "شەشەن جازبالارى" اتتى ەڭبەگٸ WikiLeaks-تٸڭ ارقاسىندا كٶپكە تانىلدى.
