«Nur Otan» partiiasy tóraǵasynyń birinshi orynbasary Baýyrjan Baibek Shymkentte órtenip ketken úidiń turǵyndarymen kezdesti. Bul týraly Baýyrjan Baibek óziniń Facebook–tegi paraqshasynda jazdy, dep habarlaidy "Ult aqparat".
«Shymkent qalasynda byltyrǵy maýsym aiynda úileri órtengen Vodopianov kóshesindegi kópqabatty úidiń turǵyndarymen kezdestim. Bul – bir jyl ishindegi úshinshi kezdesýimiz. Turǵyndardy aldaǵy qonys toilarymen quttyqtadym.
Jańa turǵyn úi salý máselesi jyl boiy partiianyń erekshe baqylaýynda boldy. «Nur Otan» depýtattarynyń qoldaýymen 5 qabatty úidi salýǵa jáne injenerlik jelilerdi tartýǵa jergilikti biýdjetten 550 mln teńge bólindi. Jumystyń sapasy men merziminiń saqtalýyn partiialyq baqylaý komissiiasy qadaǵalady.
«Nur Otan» partiiasy filialynyń tóraǵasy, qala ákimi M. Áitenovtiń aitýynsha, aldyńǵy saparda ýáde etilgendei, 42 otbasy osy qarasha aiynda quqyq belgileitin qujattaryn qoldaryna alyp, jańa páterlerge qonystana alady.
Osy sátti paidalana otyryp, qiyndyqqa tap bolǵandarǵa qol ushyn sozyp, ýaqytsha baspanamen, kiim-keshekpen jáne barlyq kerek-jaraǵymen qamtamasyz etken barsha partiialastar men aqjúrek azamattarǵa alǵys bildiremin»,– dep jazdy Baýyrjan Baibek.
